Kabanata 49

Blair Castro

HINDI ko alam kung paano sisimulan ang sasabihin ko. Nasa harap ko ngayon si Lukas habang nandito kami sa loob ng bahay ko. Gusto niyang mag-usap kami sa loob ng bahay niya pero tumanggi ako at sinabing dito nalang sa bahay ko.

Dalawang araw na ang lumipas mula noong kausapin ko siya sa harap ng bahay niya. Dalawang araw ko na ring iniisip kung paano makikita ang anak ko. Naiinip na ako kahit pa nga sinigurado sa akin ni Lukas na ligtas si Lira.

“Gusto kong marinig sa 'yo ang lahat, Blair,” ani Lukas habang nakatitig sa mga mata ko.

Humugot ako ng malalim na buntong-hininga. “Maniniwala ka sa akin?”

“I don't know. Siguro kung makukumbinsi mo ako,”

Napatango ako. “Kay Alicia, naniniwala ka ba?”

“She fooled me. Sinabi niyang anak niya si Lira pero hindi naman