Kabanata 2.2

Nang magising si Kayla ay palubog na ang araw. Dumiretso na siya sa bathroom para maligo. Nakatulala siya habang patuloy na dumadaloy sa katawan niya ang warm water. Bumabalik sa ala-ala niya ang mga magagandang memories nila ni Joshua. Naging mabuting boyfriend naman ito sa kaniya, sa tagal na nilang dalawa hindi naman siya pinilit ni Joshua na may mangyari sa kanila. Hindi lang maiwasan ni Joshua na maging demanding minsan.

Nang makapaggayak si Kayla ay umalis na rin siya ng condo niya at tinahak na ang daan pauwi sa kanila. Sinalubong siya ng mga katulong nila at sinabing nasa sala lang ang mga magulang niya na naghihintay sa kaniya.

“Hi mom, hi dad,” masaya niyang bati. Nakita niya rin ang kuya niya kaya nginitian niya ito pero seryoso ang mukha nito na hindi na lang pinansin ni Kayla. Nakipagbeso si Kayla sa kaniyang ina. Nang lapitan niya ang kaniyang ama ay nagulat na lang siya ng isang malakas na sampal ang dumapo sa pisngi niya. Pakiramdam niya ay nagising ang buong sistema niya. Masakit pa ang pisngi niya dahil sa sampal ng lalaki kagabi tapos dinagdagan pa ng kaniyang ama.

Napahawak na lang si Kayla sa pisngi niya, nagtataka kung anong nagawa niya para maging deserve niya ang sampal ng kaniyang ama. Hindi niya makapaniwalang tiningnan ang kaniyang ama.

“Daddy,” usal niya pero galit ang nakikita niya sa mga mata nito.

“Hindi kita pinalaki para maging malandi, Kayla. Nakakahiya ka, isa ka pa namang doctor! Ikaw pa ang may ganang i-cancel ang kasal niyo ni Joshua?” galit na saad sa kaniya ng kaniyang ama. Hilaw na natawa si Kayla. Masakit ang sampal na natamo niya pero mas masakit ang mga sinasabi sa kaniya. Hindi pa nila nalalaman ang totoong nangyari pero bakit may kinampihan na sila kaagad?

“Yeah it’s true, the wedding is off. Wala na akong balak na pakasalan si Joshua and that is my final decision.” Matapang niyang sagot. Nanlaki ang mga mata ng kaniyang ama dahil sa galit.

“Ikaw itong lumabas kagabi para lumandi. Nahuli ka lang ni Joshua sa ginagawa mo ikaw pa ang magcacancel ng kasal niyo? Nasisiraan ka na ba talaga ng ulo?!”

“Carlo please calm down, your heart.” Pagpapakalma ng ina ni Kayla sa asawa nito. Hinarap ni Ailyn si Kayla at nakikiusap ang mga mata nito.

“Anak pag-isipan mo namang mabuti ang desisyon mo. Sinabi na sa amin ni Joshua na wala siyang balak na umatras sa kasal, hindi niya na palalakihin ang ginawa mong pagtakas sa kaniya kagabi at sumama sa isang lalaki. Nalaman niyang umalis ka ng bar kasama ang isang lalaki. Anak, alam mo kung gaano kalaki ang utang na loob natin sa mga Santos. Hindi naman galit si Joshua sayo, ang gusto niya lang humingi ka ng sorry sa kaniya.” Malumanay na saad ng kaniyang ina. Tumawa naman si Kayla na para bang nababaliw. Kapag naiisip niya ang kasinungalingan ni Joshua ay lalong lumalakas ang pagtawa niya na para bang nawala na siya sa sarili niya.

“Nagpunta na siya dito at kinausap kayo, right? Yun ba ang sinumbong niya sa inyo? He is manipulating all of you! Hindi yun ang totoong dahilan kung bakit gusto kong umatras sa kasal! Joshua cheated on me, mom! He cheated on me with my college classmate, si Ellaine. I caught them having sex sa condo ni Joshua. Bakit ko siya pakakasalan kung matagal niya na akong niloloko?” aniya na ikinagulat ng kaniyang ina pero ang kaniyang ama nanatiling galit ang mukha nito.

“Huwag pride ang pairalin mo, Kayla. Maraming naitulong sa atin si Joshua. Ikaw naman ang pakakasalan niya. It’s just a sex.”

“Dad! Naririnig mo ba yung sarili mo?!” hindi na napigilan ni Kayla na sigawan ang kaniyang ama. Ito ang kauna-unahan na sinigawan niya ito. Bakit hindi man lang siya nirerespeto ng pamilya niya?

“Sex lang yun Kayla, ano bang ikinakagalit mo? He’s a man malamang maghahanap siya ng parausan. Matuwa ka na lang dahil nirerespeto ka niya. Nag-invest na sa business ko ang fiance mo at hindi na pwedeng mabawi yun.” singit na rin ng kuya niya. Natatawa na lang si Kayla. Hindi makapaniwala sa sinasabi ng pamilya niya.

Are they tolerating his cheating? Pamilya niya ba talaga ang nasa harapan niya? Kung sabagay, simula nang makatulong si Joshua sa pamilya niya, si Joshua na ang tila naging anak nila.

“Hindi ako magpapakasal. Niloko niya na ako at magagawa niya ulit yun.” desididong wika ni Kayla.

“Hindi ka ba nahihiya sa sinasabi mo Kayla? Mabait ang fiance mo, he respect you, matyaga siyang naghihintay sayo. Noong sinabi mong hindi ka pa handang magpakasal inintindi ka niya tapos isang pagkakamali lang, hindi mo na kayang patawarin?! Marami pa tayong utang sa kanila!” saad pa ng kuya niya.

“Kayo lang ang may utang sa kaniya! Kahit kailan hindi ako nagkaroon ng utang kay Joshua. Kayo ang humingi ng tulong sa kaniya tapos ako ang gusto niyong gawing kabayaran? Okay lang sa inyo kahit niloko niya na ako basta huwag niya lang kayong singilin?! Naririnig niyo ba ang mga sarili niyo? Dahilan bang lalaki lang siya at may pangangailangan? If he really loves me maghihintay siya sa akin ng hindi ako niloloko. Dalawang taon niya na akong niloloko behind my back tapos gusto niyong pakasalan ko pa rin siya? Hindi niyo ba iniisip kung anong magiging buhay ko sa kaniya? Kung hinayaan niyong lokohin niya lang ako, siguradong magkakaroon siya ng lakad ng loob na lokohin ulit ako kahit kasal na kaming dalawa. Ayaw kong magpakasal. Kung pababayaran niya sa atin ang utang niyo tutulungan ko kayong bayaran yun.” aniya pero nanlambot ang mga tuhod niya sa sinabi ng kaniyang ama.

“Magpapakasal ka sa kaniya. Isang pagkakamali lang naman yun, pwede pa siyang magbago. Kakausapin ko siya para hindi na mangyari ulit ito. Are you happy now?” bagsak ang balikat ni Kayla. Wala man lang siyang magawa. Tiningnan niya ang kaniyang ina para sana kampihan siya pero iniwas nito ang paningin sa kaniya.

“Papapuntahin ko si Joshua dito ngayon para makapag-usap kayong dalawa.” Nang sinabi iyun ng kaniyang ama ay mabilis siyang umalis.

“Kayla!” rinig niyang tawag ng kaniyang ama.

“Kayla come back here, you bitch!” sigaw din kuya niya. Mabilis na tumakbo si Kayla palabas ng bahay nila.

“Guard isarado mo ang gate!” sigaw ng kuya niya pero nakikiusap ang mga mata ni Kayla sa guard habang papalabas siya ng gate. Binuksan ng guard ang pintuan kaya malayang nakalabas si Kayla.

“Bakit mo binuksan? Sabi ko isarado mo yung gate!” nanggagalaiting sigaw ni Kian, ang kuya ni Kayla.

“Ay pasensya na po sir, akala ko po pagbuksan si Ma’am Kayla.”

“Tanga!” binatukan pa ni Kian ang guard nila dahil sa galit nito.