Chapter 13

Noella’s Point of View

Hawak ko ngayon ang cell phone ni Diego at nasa hardin ako pero nakabantay naman si Diego sa akin. Pinahiram niya sa akin ang cell phone niya pero kailangan ay makinig siya sa pag-uusapan namin dahil wala raw siyang tiwala sa sasabihin ko sa tatawagan ko. Mabuti na lang ay kabisado ko ang cell phone number ni Maya at siya ang matatawagan ko.

Nag-umpisa na akong pindutin ang cell phone ni Maya at narinig kong tumunog ang kabilang linya.

“Hello,” malamyos na boses ni Maya ang narinig ko at napangiti kaagad ako.

“M-Maya,” tawag ko sa pangalan niya.

“Noella? Ikaw ba iyan?” gulat na bulalas ni Maya.

“O-oo. Kumusta ka na—“

“Ikaw ang kumusta?” malakas ang boses na sabat ni Maya. “Nakausap ko kahapon si Mateo at sinabi niyang nakita ka raw niya sa isang mall pero may kasama ka raw ibang lalake?” tanong ni Maya sa akin.

Napakagat ako ng labi dahil sa sinabi ng pinsan ko. Maaaring nasabi na lahat ni Mateo kay Maya ang lahat kahapon at siguradong kahit si Maya ay disappoin