Chapter 1: Agawan

Alona's POV

"Sa akin mapupunta ang bata dahil mas makakaya ko siyang bigyan ng magandang pamumuhay. Bukod sa oras, alam kong kapos ka sa pinansyal, Alona. Huwag mo ng subukan na umangal pa dahil masasayang lang ang laway mo."

Nakita ko kung paano tumaas ang gilid ng labi ni Kenneth matapos ipamukha na walang magandang kinabukasan na mararanasan si Cleo sa akin kapag sa akin ito mapupunta.

Ang yabang ng lalaking 'to. Hindi naman siya magiging mayaman kung hindi siya umutang ng puhunan sa kaibigan nitong CEO. Napakakapal ng mukha niyang magyabang.

"Excuse me lang po, attorney." Kinuha ko ang atensyon ng abogado. " Alam ko po na kapos po ako sa pinansyal atleast po kaya ko pong pagtrabahuan ang mga pangangailangan ni Cleo kapag nagkataon nang hindi umuutang." Pagpaparinig ko, nang balingan ko siya ng tingin ay napansin ko na uusok na ang ilong nito sa galit.

"Tsk!" Napailing-iling si Kenneth. "Attorney, wala siyang stable na source of income, malaking rason po iyon para masabi na hindi magiging maganda ang buhay ng bata sa poder niya. Alam naman natin na sa pagpapalaki ng bata ay magastos kung kaya kinakailangan ng stable na source of income para hindi ito mapabayaan." Depensa niya, napatango-tango ang attorney na ikinainis ko dahil mukhang nakukuha ni Kenneth ang loob nito.

"Attorney, call center agent po ako, siguro naman stable na source of income na po 'yon para masabi na safe si Cleo sa akin at masisiguro na maganda ang buhay na maibibigay ko." Tugon ko naman, napansin ko na napapailing si Kenneth kaya mas lalong kumukulo ang dugo ko.

Ano bang ipinaglalaban ng kumag na ito? Hindi porket may negosyo siya't stable ang source of income niya na ipinaglalaban ay kinakailangan na niyang umasta ng ganito sa harapan ko.

"Let's not jump to a conclusion, Alona. What if night shift ka, edi maiiwan mag-isa ang bata sa bahay mo, gawain ba 'yon ng mabuting tatayong ina. Hmm?" Taas-kilay na tanong ni Kenneth.

"Edi gagawan ko ng paraan, hindi naman 'yon problema e. Tsaka, ano bang alam mo? Ano bang alam ng isang playboy sa pag-aalaga ng bata? Baka nga imbes na magandang asal ang ituro mo sa bata ay puro mga kalokohan na ginawa mo nong kabataan mo. Valid na reason 'yon, Attorney. Hindi siya safe kay Kenneth knowing na dakila siyang playboy." Patutsada ko dahil hindi ako makakapayag na kay Kenneth ito mapupunta. Wala siyang magandang kinabukasan kapag sa kumag siya mapupunta.

"Playboy ako pero hindi ako masamang tao." Depensa nito na animoy aping-api sa sinabi ko. "Huwag mo ngang idamay 'yong personal na problema mo sa akin sa pagpapalaki ko sa bata. Sa ating dalawa, sa akin siya dapat mapunta."

"Anong sa'yo? Sa'kin! Ako ang babae kaya sa akin siya mapupunta!" Napatayo na ako dala sa inis dahil sa komprontasyon namin ni Kenneth. Napatayo na rin si Attorney at ipinagitna nito ang kanyang kamay upang patigilin kaming dalawa.

"Bakit ba kailangan niyong mag-agawan kay Cleo kung nakasaad sa last will ng mag-asawa na kayong dalawa mismo ang mag-aalaga sa kanya?"

Natahimik kaming dalawa ni Kenneth sa sinabing iyon ni Attorney. Napaupo ako at napabuntong-hininga ng malalim. Walang saysay na makipagsagutan ako sa lalaki na 'to maghapon dahil hiling ng mag-asawa na kaminh dalawa ni Kenneth ang mag-alaga sa anak nila.

"Sa ngayon, mukhang hindi pa kayo nagkakasundo kaya sa seguridad ng bata, sa amin muna siya mapupunta. Kinakailangan niyong ayusin muna ang personal niyong problema sa isa't isa bago namin ibigay ang bata sa inyo. Makakaapekto sa bata kapag nakikita niya kayong ganyan." Paliwanag ni Attorney.

Matapos ang diskusyon kasama si Attorney ay nagpaalam na ito kasama ang kawani ng DSWD na pansamantala munang mag-aalaga kay Cleo habang hindi pa kami nagkakaayos ni Kenneth.

Nang maiwan kaminh dalawa ni Kenneth ay nagmadali akong lumabas dahil ayaw kong pumirmi sa isang lugar na kasama siya.

"Hanggang ngayon, may galit ka pa rin sa'kin ah."

Napahinto ako sa paglalakad matapos marinig ang tinig na iyon mula sa likod ko.

Kabisadong-kabisado ko ang may-ari nong boses na 'yon.

Paano ko naman makakalimutan ang boses na minsan ay nagparanas ng trauma sa akin?

Hinarap ko ito ng buong tapang habang mahigpit na nakahawak sa strap ng shoulder bag ko. Actually, gustong-gusto ko itong ihampas sa pagmumukha niya kanina pa.

"Psh! Inilalayo ko lang si Cleo sa taong magaling lang sa umpisa at sa salita."

Nakita ko kung paano niya ako pagtawanan ng mapakla ni Kenneth habang nakapamulsang naglakad palapit sa akin. Para bang may matibay na pandikit sa paa ko at hindi na ko iyon maigalaw paalis.

"Inilalayo ko naman siya sa taong hindi marunong magpatawad kahit paulit-ulit ka na ngang humingi ng sorry sa kanya."

Napahinto ako sa sinabi niya.

Tarantado 'to ah.

Muntik na akong maiyak nang bumalik sa ala-ala ko ang mga panahon na halos umiyak ako ng dugo sa mga ginawa ni Kenneth sa akin. Hindi sapat ang isang case ng alak para makalimutan iyong mga mapapait na alaala na binigay nito sa akin. Nakatanim pa rin ito sa puso ko na kailanman hindi kayang alisin ng isang sorry ang sakit.

"Wala kang alam sa pagpapalaki ng bata kaya huwag ka ng umangal pa at hayaan na ako ang mag-alaga kay Cleo." Pag-iiba ko sa usapan bago pa kami mag-ungkatan ng nakaraan.

"Who you? Sino ka para sundin ko?" Nang-aasar na tugon niya. Nakayukom tuloy ako ng kamao at handang-handa isuntok 'yon sa pagmumukha niya.

"Let's fix everything about our past then I'm going to let Cleo go with you." Pagpapatuloy ni Kenneth at dahan-dahan na lumapit sa akin hanggang sa maramdaman ko sa aking teinga iyong init ng hininga niya.

"Makipagbati ka muna sa akin at pagbibigyan kita sa gusto mo. Think about it, baby." Malumanay nitong sagot at bago ilayo ang mukha nito sa akin ay naramdaman ko na hinalikan niya ang teinga ko dahilan para agresibo ko siyang itinulak palayo sa akin.

"Tangina non!" Pagmumura ko nang tuluyan na itong mawala sa paningin ko. Pinunasan ko iyong teinga ko na hinalikan ni Kenneth kanina dahil diring-diri ako sa ginawa niya.

Hindi ako uto-uto para makipagbati sa kumag na 'yon. Walang kapatawaran 'yong ginawa niya sa akin. Kahit Diyos pa ang mag-utos sa akin, hinding-hindi ko siya mapapatawad.