Chapter 2: Deal

Kenneth’s POV

“Excuse me, Sir.” Pagkuha ng aking sekretarya ng atensyon ko. Sumingit siya bigla habang nagsasalita ako. “Sorry to disturb you, Sir, pero kanina pa daw kayo inaantay ni Attorney Robles. He need to discuss with you  a very important thing daw, Sir.”

Napatango-tango ako. Kung hindi pa niya ipinaalala ay talagang makakalimutan ko na. Ganito talaga siguro kapag busy na tao, hindi na halos mapansin ang ibang bagay-bagay.

“Okay, just give me a minute.” Tumango ang sekretarya ko saka marahan na umalis sa tabi ko. Ibinalik ko sa aking mga kameeting ang tingin ko. “Uhm, I think, we already discussed the important matter we should pay attention. I’m sorry but I need to end now this meeting. Thank you for coming. Have a good day. Meeting’s over.” Anunsyo ko kaya nagsitayuan na ang mga kameeting ko at isa-isa na nakipagkamay bago sila nagsilabasan paalis ng office.

Inayos ko na ang sarili ko lalong-lalo na ang suot ko dahil bahagya iyon na nagusot. May meeting pa akong dadaluhan with Attorney Robles. Sa dami ng iniisip ko, wala akong ideya kung ano ang pag-uusapan namin.

“Ano daw pag-uusapan namin, Belle?” Tanong ko sa sekretarya ko matapos niya akong abutan ng bottled water. Humingi ako sa kanya dahil nanuyo ng sobra ang lalamunan ko sa halos isang oras kong pagsasalita kanina sa harap.

Medyo nagkakaproblema ang negosyo ko at kinakailangan aksyunan kaagad para hindi na lumala pa. Dugo at pawis ang naging puhunan ko sa negosyo kong ito kaya hindi ako makakapayag na basta-basta na lamang ito babagsak dahil sa kapabayaan ko.

“Tungkol daw po sa co-parenting niyo sa anak nina Sir Benj at Maam Krisha, Sir.”

Napahinto ako. Bahagya kong pinunasan ang gilid ng labi ko gamit ang likod ng palad ko dahil nabasa iyon ng tubig. Iniabot ko kay Belle iyong bottled water at kinuha naman niya ito.

“Co-parenting?” I asked.

Ibig-sabihin non, may makakasama ako sa pag-aalaga sa naiwang anak nina Benj at Krisha. Ang tanong, sino?

“Yes, Sir, actually, nandon na daw siya ngayon, kayo nalang daw po ang inaantay.” Usal ni Belle.

“Okay.” Napatango-tango nalang ako kahit ang totoo ay nilalamon na ako ng kaba at pagtataka kung sino iyong makakasama ko sa pag-aalaga sa bata. “You don’t have to come with me, Belle. Ako nalang ang pupunta don ng mag-isa. Just work with those papers in my table, please.”

“Copy, Sir.”

Inihatid ako ni Belle hanggang sa parking lot at hindi ako nag-aksaya ng oras para pumunta sa office ni Attorney Robles. Habang nasa byahe, hindi mawala sa isip ko ang nangyari kay Benj at Krisha. Unexpected ang nangyari sa kanila. Until now hindi pa rin ako makapaniwala na nawalan ako ng hindi lang kaibigan kundi kapatid na rin.

Benj is one of my business partners ever since pinatayo ko ang negosyo ko. Simula’t sapul ay siya na ang nakasama ko sa hirap at ginhawa maliban kina Rhaiven. Madali siyang lapitan at kausapin kapag may problema ako. Lahat ng problema ko, hindi siya nagdadalawang isip para solusyonan ito kasama siya. Kaya ganoon nalang ang pagguho ng mundo ko nang malaman na nadali sila sa isang malagim na aksidente. And the worst thing is naiwan ang kaisa-isa nilang anak na babae.

Hindi ako nahirapan na hanapin ang office ni Attorney Robles dahil nakailang balik na ako dito. Hindi ito ang unang beses na pumunta ako sa kanya. Siya kasi ang kinukuha naming abogado ni Benj noon kapag sa usapang negosyo na. Trusted na namin siya kaya hindi na siya iba sa akin.

And the moment I enter his office, there’s one people that make my world stop spinning. The way she dressed, speak, and sit, I know she is. Sa amoy pa lang ng pabango niya, alam kong siya na ito. At hindi ko inaasahan na siya pala ang magiging co-parent ko sa pag-aalaga kay Cleo. Hindi ko alam kung blessing ba ito o karma para sa akin.

“Sorry, Attorney, I'm late, rush hour kasi e.” Pagkuha ko sa kanilang atensyon ko pagpasok ng naturang opisina.

At kitang-kita ko ang gulat sa mga mata ni Alona. Nakita ko kung paano mamilog ang kanyang mga mata na animoy nakakita ng multo. Mukhang parehas lang kami ng nararamdaman.

I was shocked but at the same time, happy. I don’t know why. Siguro dahil nagkita na ulit kami after four years. Yes, four years. We’ve been together before, sweet and happy couple but unexpected things happened.

Kagaya pa rin siya ng dati, palaban, masungit, at higit sa lahat, maganda. Habang nagdidiscuss si Attorney, nasa kanya ang buo kong atensyon through my peripheral vision. Nagkunwari akong propesyonal para naman hindi niya sabihin na tuwang-tuwa ako na makita siya kahit iyon naman talaga ang totoo. I act like a stranger infront of her kahit ang totoo, strategy ko ‘yon para pakiramdaman siya.

But professionalism is useless noong nakipagtalo na siya sa akin. Lumabas ang totoong ugali ko, pilyo at pabalang kung sumagot. Wala naman akong pakialam kung saan mapupunta si Cleo sa amin pero the moment I saw her face being irritated to me, mas naging pursigido ako na sa akin mapunta ang bata. It wasn't my plan though pero mukhang mapapalapit ako kay Alona kapag nakuha ko si Cleo.

Nakakainis nga lang dahil isinali niya ang personal niyang problema sa akin sa sagutan namin. Ginamit niya pa ang pagiging playboy ko. Tsk! I’m harmless. Playboy ako pero kaya ko naman magseryoso when it comes sa kids.

Hanggang sa matapos ang diskusyon, ramdam na ramdam ko pa rin ang kumukulong dugo ni Alona sa akin. Kaya naman paglabas namin ng opisina ay sinundan ko siya kaagad.

"Makipagbati ka muna sa akin at pagbibigyan kita sa gusto mo. Think about it, baby." Malumanay na tugon ko at  bago tuluyang ilayo ang mukha ko ay hinalikan ko muna ang teinga niya dahilan para agresibo niya akong itinulak palayo sa kanya.

Parang istatwa ko siyang iniwan na napako sa kanyang kinatatayuan matapos kong sabihin iyon. May kung anong ideya ang pumasok sa kokote at masasabi kong magandang pagkakataon ito para hingin ang kapatawaran niya. And that moment, I think something that make us become closer together again.

“‘Buti naman at hindi ka niya ginulpi nang makita ka?”

Tawanan ang nabuo sa sala ng condo ko matapos sabihin iyon ni Luis. Nagsidatingan silang lahat nang ibalita ko sa kanilang magiging co-parent ko si Alona sa naiwang anak nina Benj at Krisha. Ano pa nga bang inaasahan ko sa mga kaibigan ko. Mga certified chismiso rin ang mga ‘to.

Dala ang isang mangkok ng french fries na kakatapos ko lang niluto ay iginaya ko ito sa center table kung saan naroon rin ang iba pa naming pulutan at mga nilalaklak naming nga alak. Nagsikuha na sila at ako ay naupo naman sa tabi ni Chris habang sina Luis at Rhaiven ay nasa pang-isahang sofa, bale nakaupo si Luis sa arm ng sofa.

“Tsk! Muntik  na nga niya akong sipain palabas ng office sa mga tingin niya e.” Itinungga ko ang hawak kong bote ng alak. “Kung gaano siya kapalaban noon, damn, dumoble na ngayon. Grabeng pagsusungit ang natanggap ko mula sa kanya, hindi ko naman nagawang mainis dahil nakukyutan ako sa kanya.”

“The heck, pre!” Nandidiring usal ni Chris. “Akala ko ba nakamoveon ka na sa kanya?”

“I am.” Depensa ko. “But, there’s something I want to do with her.”

Naningkit ang mga mata nilang tatlo sa sinabi ko.

“Don’t tell me, papayag ka sa gusto ng mag-asawa na alagaan ‘yong anak nila na kasama si Alona?” Luis asked. Pagkatapos non ay kumuha siya ulit ng panibagong lata ng alak sa center table.

“Maybe.” Sabay kibit- balikat ko.

Rhaiven commented. “Ulul! Ikaw, mag-aalaga ng bata? I don’t think so kaya mo.”

Nagtawanan silang tatlo maliban sa akin. Aminado naman ako na wala akong alam sa pag-aalaga ng bata. Una sa lahat, pusa lang ang alam kong alagaan. Wala pa akong experience sa pag-aalaga ng bata sa taning ng buhay ko.

“What makes you think na hindi ko kaya?” Taas-kilay kong tanong kay Rhaiven.

“Tsk! Kilalang-kilala kita, Ken, pusa lang ang kaya mong alagaan, nastress ka pa, bata pa kaya?” Nagtawanan na naman sila.

Napailing-iling ako. “Kung ‘yon ang tanging paraan para mapalapit ako kay Alona, go. Madali lang naman sigurong pag-aralan ang pag-aalaga ng bata.”

“At lumabas din ang totoo.” Ginulo ni Chris ang buhok ko. “Hindi ka concern don sa bata, kundi gusto mo lang mapalapit talaga kay Alona. Sus!”

“What a great opportunity, Ken.” Nag thumbs up pa si Luis. “What a coincidence, huh? Sa ganitong sitwasyon pa talaga kayo muling nagkita ni Alona.”

Ngiting-aso ang iginuhit ko sa labi ko.

“So, what are your plans now?” Pag-iiba ni Rhaiven sa usapan. “For sure, mahihirapan kang mag-alaga ng bata at the same time, paamuhin si Alona.”

Sinang-ayunan naman siya nina Luis at Chris.

“I don’t know. Wala pa nga e. Basta ang gusto kong mangyari, sa akin dapat mapunta si Cleo nang sa ganon ay hindi ako mahihirapan na paamuhin si Alona.”

Nawala ang ngiti ko nong magsalita ulit si Rhaiven. “‘Yon ay kung magtatagumpay ka. Ikaw na mismo ang nagsabi, dumoble na sa kasungitan si Alona, baka mahirapan ka. Idagdag mo na rin ‘yong bata dahil panigurado, gagawin lahat ni Alona para sa kanya mapunta ‘yon. Those are loopholes na kailangan mong gawan muna sa ngayon ng paraan.”

Kakaiba talaga mag-isip ang CEO na ‘to. Nays!

“Nah, I can handle this. This is basic to me.” Mayabang na usal ko.

Narinig ko ang pag-ohh nila na animoy hindi sila naniniwala sa akin. Naroon sa toni ng boses nila ang pagdududa sa sinabi ko.

“Then let’s make a bet.” Rhaiven said.

Napakunot-noo ako sa sinabi niya. “What’s bet?”

Nginuya muna niya ‘yong isinubo niyang fries bago sinagot ang tanong ko. “Let’s see kung mapapaamo mo siya within one month.”

“Tsk! Hindi mo yata kilala ‘tong hinahamon mo, CEO.” Tinap ko pa ng mahina ang dibdib ko na animoy niyayabangan ko siya. Natawa nalang sina Chris at Luis sa inasta ko.

Rhaiven’s chuckled. “Wow ah! Ang yabang!”

“So, what’s the consequences if hindi ko siya napaamo within one month?” I asked.

“Simple lang, you’re going to pay those credits of yours to me in double.”

“Grabe! Ang lala mo ah.” Napakamot ako ng ulo ko sa unang consequence niya.

Tamang desisyon ba ‘tong pakikipagbet ko kay Rhaiven?

Walang nagawa si Chris kundi ang hilutin ang balikat ko dahil napapalaban ako kay Rhaiven sa magiging bet namin. Hindi naman na bago sa akin na makipagkasundo kay Rhaiven. Dahil nga sa bet namin ay bigla akong naging business owner ng wala sa oras dahil natalo ko siya.

“Paano kapag nagawa ko?”

“I’ll going to give everything you want, money, car, accessories, anything.” Pagbibigay niya ng assurance.

“Really? Walang bawian ‘yan, CEO, ah.”

“Tsk! Sa akin ka pa talaga nagduda ah.” Nagtawanan kaming lahat.

“Gago! Sa kanya nga galing lahat ng pinagsimula mo ng negosyo mo e.” Pang-eepal ni Luis kaya pinagdilatan ko siya. Well, totoo ‘yon. Hehe!

“Deal.” Nakipagkamay ako sa kanya. “Watch me make her fall inlove to me again.”