Co-parenting With A Playboy (Playboy Series #3)

"Biglaan itong nangyari kina Benj at Krisha kaya nakakaawa ang kalagayan ng naiwan nilang anak. Kaya napagdesisyunan namin na ibigay ang tiwala sa mga matalik na kaibigan nila upang akuhin iyong responsibilidad na kanilang iniwan."

Mangiyak-iyak ako dahil sa nangyari kina Benj at Krisha na parehas konh matalik na kaibigan. Sa sobrang bilis ng pangyayari, hindi ko na halos matanggap na naiwan ng mag-isa ang kanilang anak na walang kaalam-alam sa nangyari. Hindi halos magsink-in sa utak ko ang napala ng dalawa matapos ang malagim na aksidente na kanilang kinahantungan.

"Buong puso ko po na tinatanggap si Cleo, aakuhin ko po ang responsibilidad na iniwan ng mga magulang niya. Hindi ibang tao si Cleo sa akin kaya gagawin ko ang lahat para hindi niya maramdaman na nag-iisa siya."

Napatingin ako sa batang babae na naroon sa sofa, naglalaro sa barbie nitong hawak habang abala kami ni Attorney na pinag-uusapan ang tungkol sa pang-ampon ko kay Cleo. Mukhang alam na nina Benj at Krisha na may mangyayari sa kanila kaya naman nakapagtataka at gumawa sila ng last will and testament bago pa man nangyari ang aksidente.

"Sige, gagawin natin ang proseso as soon as possible pero kinakailangan nating hintayin iyong makakasama mo sa paggabay sa pagpapalaki kay Cleo." Tugon ni Attorney na ikinatigil halos ng paghinga ko.

Napakunot-noo ako. "Ano pong ibig niyong sabihin, Attorney?"

Hindi kaagad sumagot si Attorney na nasa harapan ko datapwat ay may kinuha siya sa kanyang drawer na isang puting folder at pinanood ko na buklatin niya ito.

"Ayon dito sa last will and testament ng mag-asawa, incase na may mangyaring masama sa kanila at maiwan ang kanilang anak, ipinagkakatiwala nila si Cleo sa malapit nilang mga kaibigan na sina Alona Cyses Medina at Kenneth Salvador.."

Hindi ko halos narinig pa ang iba pang sinabi ni Attorney  matapos marinig ang pangalan na matagal ko ng kinalimutan. Apat na taon mahigit siguro na kinalimutan ko ang lalaki na 'yon tapos ngayon, malalaman ko na ito ang makakasama ko sa pag-aalaga kay Cleo?

No way!

"Para isahang diskusyon na lamang ang mangyayari, inimbitahan ko na si Mr. Salvador para pag-usapan ang co-parenting niyo kay Cleo." Tugon ni Attorney na dahilan para bumilis ang tibok ng puso ko sa kaba.

Sa dinami-dami ng makakasama ko na natatayong magulang kay Cleo, bakit si Kenneth pa? Bakit 'yong lalaki na nagbigay ng trauma sa akin four years ago pa ang napili nina Krisha at Benj? Sa dami ng tropa ni Benj, bakit iyong kumag pa ang pinagkatiwalaan niya? Shit! Parang gusto ko nalang na magback out knowing na si Kenneth iyong makakasama ko  para magpalaki kay Cleo.

"Sorry, Attorney, I'm late, rush hour kasi e."

Nagsitaasan ang mga balahibo ko sa batok nang marinig muli ang tinig na matagal ko ng kinalimutan. Napako ako sa aking kinauupuan at pakiramdam ko ay naligo na ako sa sarili kong pawis dahil sa kaba na aking nararamdaman.

Side-eye ang ginawa kong  pagtitig sa kanya nang makipagkamay siya kay Attorney. Pagkatapos ay naupo siya sa tapat ko kung saan nakaharap kami kay Attorney na mukhang nasiyahan dahil dumating na 'yong tao na kanina pa namin hinihintay.

"So, let's start?"

Hindi  ko magawang lumingon sa gawi ni Kenneth na noon ay presentableng nakaharap kay Attorney. Kahit na ganon, kitang-kita ko siya sa peripheral vision ko. Kagaya pa rin siya ng dati, malakas ang dating ng porma. Magaling pumili ng isusuot at talagang nakakalaglag ng panty sa kagwapuhan nitong taglay.

"Bago pala tayo magsimula, Alona, this is Mr. Kenneth Salvador ang matalik na kaibigan ni Benj," idinuro siya ni Attorney at nagdadalawang isip ako kung lilingunin ko ba siya upang makipag-approach o hindi.

Sa hiya na masabihan ng bastos, napalunok ako bago tuluyang humarap ng pormal. Nilabanan ko ang titig niya sa akin, talagang ginawa ko ang lahat para ipakita sa kumag na 'to na wala ng epekto ang presensya niya sa akin.

Ngumiti ako ng pilit sa kanya kahit labag iyon sa kalooban ko.

"-Mr. Salvador, this is Alona, ang matalik na kaibigan ni Krisha." Pagpapakilala naman ni Attorney sa akin.

Si Kenneth ang naglapag ng kamay upang makipagshakehands sa akin. Napatitig siya sa kamay niya na nag-aantay na tugunin ko. Wala pa rin nagbago sa ekspresyon ng mukha niya, hindi ko mawari kung natutuwa ba si Kenneth sa akin o hindi.

Shit! Ngayon pa lang, kinakabahan na ako sa mga pwedeng mangyari.

Para hindi maging awkward ang pagitan namim, tinanggap ko ang kamay nito at nakipagshakehands. Ako ang unang kumalas ron at nagpatay malisya pagkatapos. Itinapon ko ang atensyon kay Attorney pero parang may humihigop sa akin na pagnakawan ng tingin si Kenneth.

Takte! Bakit sa gantong sitwasyon pa kami nagkita ulit?

"I'm hoping that your co-parenting to Cleo is going to be fine, Mr. Salvador and Miss Medina." Tugon ni Attorney matapos iyong mga diskusyon nito na hindi ko na halos naintindihan dahil mas nangibabaw ang lakas ng tibok ng puso ko dahil sa presensya ni Kenneth.

Anong fine? Ngayon na nalaman ko na siya ang makakasama ko sa paggabay kay Cleo ay sumasabog na sa kaba ang puso ko.

Gusto komg humindi sa responsibilidad na ito na kasama ang kumag na si Kenneth. Pero, may isa siyang salita sa matalik nitong kaibigan na si Krisha, baka multuhin niya ako kapag hindi ko ginampanan ng maayos ang hiling niya sa kanya. Duwag pa naman ako kapag usapang multo na.

Sumalangit nawa ang kaluluwa mo, Krisha.

Paano ko  kaya makakayang alagaan si Cleo na kasama si Kenneth? Anong buhay ang naghihintay sa akin? Anong mapapala ko sa responsibilidad  na 'to na kasama ang lalaking nanakit at kinalimutan ko na?

How can I survive to my co-parenting with that fucking Playboy?