Chapter 19

Lumabas ako ng bahay namin at nag-abang ako ng masasakyan. Alam ko pa naman ng direksyon kung saan ang bahay nila. Panay ang tingin ko sa wrist watch ko dahil mag-ga-gabi na rin kasi. Tinatawagan ko ulit si Teedy pero out of coverage na raw ito. Hindi na ako mapakali sa kinatatayuan ko.

Maglalakad na sana ako nang may bumusina. Sina Mommy! Tumigil sila sa harap ng bahay at ibinaba ang salamin ng bintana.

"Anak, may pupuntahan ka ba?" tanong ni Daddy na nasa loob pa rin. Nakatingin din sa akin si Mommy.

"Opo, puwede pong pa-drive ako roon?" Mababakas sa tono ng boses ko ang pag-aalala.

"Oo naman. Mukhang importante 'yan, sumakay ka na." Sinunod ko ang sinabi ni Daddy at sumakay ako sa backseat.

"Saan ba ang punta mo, Anak?" taning ni Mommy sa akin.

"Mommy, nahanap ko na rin po kasi yung kapatid ko na nakasama ko po sa aksidente. Tinatawagan niya po kasi ako tapos umiiyak po siya. Hindi ko po alam kung anong nangyari. Tinatawagan ko po kaso ou