Chapter 29

Hindi ako pumasok sa bahay kung saan itinigil ni Jairus ang sasakyan ko. Nag-drive ako pauwi sa condo ko. Ayaw kong makita ako ni Mama o ni Teedy na umiyak ako. 

Buong gabi ay wala akong ginawa kung hindi ang alalahanin ang mga magandang nangyari sa aming dalawa hanggang sa dalawin ako ng antok.

Kinabukasan ay hindi na ako nag-aksaya pa na maagang gumising dahil balak kong huwag na lang lumabas sa condo ko. Gusto kong magpaka-busy sa araw na ito pero napatampal ako sa noo ko nang mapagtanto kong nasa office ko pala yung laptop ko.

Nagbihis ako at lumabas ako ng condo. Kukunin ko lang ang laptop, 'yon lang. Babalik din ako sa condo ko. Habang nag-da-drive ako ay nag-ring ang phone ko. Tumatawag si Teedy, sinagot ko ang tawag niya at ni-loud speaker ko ito.

"Ate! Nandito ngayon si Kuya Jairus, hindi ka ba pupunta rito?" tanong niya.

Bahagya akong kinabahan dahil sa narinig ko. Pangalan lang niya ay may epekto na sa akin.

"Hindi ako pupunt