Chapter Ninety Four

Pagpasok niya ay akita niya si Axel na may kausap sa cellphone, agad niyang inisip na si Selena ang kausap nito. Kaya’t plinano niyang gumawa ng misunderstanding sa pagitan ng dalawa.

Matalim ang titig ni Axel kay Heather. “Hindi ba’t sinabihan ka na ni Russell na may ginagawa pa ako?”

Hindi na hinintay ni Axel ang sagot ni Heather. Tumalikod siya, nilagpasan si Heather, inilapag ang cellphone sa coffee table, at umupo sa mahaba at eleganteng leather sofa. Kinuha ang laptop at agad na nagtipa sa keyboard.

Kumuyom ang mga kamay ni Heather. Halos bumaon ang mga kuko niya sa kanyang palad. Napakagat siya sa labi, pilit pinipigilan ipakitang nasaktan siya sa trato ni Axel.

“Anong may ginagawa? Malinaw naman na nakikipag-usap ka lang sa impakta na ‘yon,” bulong niya sa sarili.

Pero agad niyang pinalitan ang ekspresyon ng mukha. Ngumiti, pinilit magmukhang sweet at kalmado.

Umupo siya sa kabilang sofa, kaharap si Axel. “Axel, kinausap ko na si dad tungkol doon sa kondisyon na gusto mo kapal