HINDI naman agad nakapagsalita si Jared. Bigla siyang nakaramdam ng hiya. Dahil sa kabila ng mga nangyari sa kanila noon ay nanatili ang respeto niya sa Ginang kahit na makailang-beses niya itong ginamit upang mapasunod si Lian.Samantalang hindi na naghintay ng sagot si Marilyn at nagtungo na sa kwarto ng anak, nang makitang wala na roon si Lian ay agad niyang sinundan ang dumaan na dalawang Nurse na may tulak-tulak na hospital bed.“S-Sandali lang po.” Pigil naman ni Jared dahil natatakot siyang baka mag-collapse ito sa oras na malaman kung anong ginawa ni Lian sa sarili.“A-Anong nangyayari, ba’t may dugo sa katawan ng anak ko?” naiiyak na tanong ni Marilyn habang sapo-sapo ang dibdib, nahihirapan huminga.Nabahala naman si Jared dahil hindi niya gustong maapektuhan ang kondisyon nito. “’Wag na po kayong masiyadong mag-alala. Aalamin ko kung anong nangyari.” Saka hinaplos-haplos ang balikat nito.Tumango si Marilyn saka hinawakan ang kamay nito. “Maraming salamat.”Nagbaba ng tingi
NAMUTLA si Sheena sa narinig at takot na takot habang nakatingin sa fiancé. “J-Jared, please help me.” Saka inangat ang kamay, tila gusto itong abutin.“’Wag kang gumalaw kung ayaw mong is*ksak ko ‘to sa leeg mo!” babala ni Lian na mas lalo pa inilapit ang basag na piraso ng baso. Matapos ay tiningnan si Jared. “Anong ginagawa ko rito?”“Inilipat kita rito.”“At bakit?!” Malapit na ang operasyon niya kaya sa paanong paraan napapayag ni Jared ang Doctor na mailabas sa ospital?Hindi naman sinagot ni Jared ang tanong dahil abala siya sa pag-iisip kung paano mapapakiusapan itong pakawalan si Sheena, na lumuluha na ng mga sandaling iyon at nanginginig sa takot.“Humingi ka ng tulong kay Levi?” tanong muli ni Lian.Dumilim pang lalo ang aura ni Jared sa tanong. “Pakawalan mo na siya.”“Hindi!” hiyaw ni Lian saka napatingin kay Sheena dahil ramdam niya ang takot nito. “Ibalik mo ‘ko ngayon din sa ospital!”“Hindi ka makakaalis—““Jared!” tili ni Sheena. “Gawin mo na lang ang gusto niya!”Ti
MULING inutusan ni Lian ang dalaga na damputin ang phone sa sahig. “I-play mo ang record, gusto kong marinig,” utos niya pa.Sumunod naman ang Sheena habang nanginginig ang kamay.Pinakinggan ni Lian ang recording at nang makuntento ay hinablot niya ang phone. Pagkatapos ay naglakad, hinihila si Sheena patungo sa pinto. “Umalis ka riyan,” aniya kay Jared.Tumabi naman ito nang hindi inaalis ang tingin sa dalawa. Kapag nagkaroon ng pagkakataon ay susugod siya at ililigtas ang fiancée.“Sa’n mo ba ako dadalhin?” ani Sheena, ingat na ingat na huwag ma-trigger si Lian at baka saktan pa siyang muli.Nakalabas ng kwarto sina Lian at ang hostage nito. “Ikaw ang nakakaalam ng pasikot-sikot sa bahay na ‘to, sa’n ang pinto palabas?”Nanginginig pa rin ang kamay na tumuro si Sheena sa direksyon ng pinto. Pagkatapos ay naglakad muli sila patungo roon. Nang malapit na sila ay narinig niya ang pagdaing ni Lian, maging ang braso nitong nakapalibot sa leeg niya ay hindi na ganoon ka higpit.Doon ay n
NAPANGANGA si Katherine habang nakatitig. “S-Seryoso ka? Hindi ‘yun magagawa ni Lian.”“Kahit ako rin naman pero pinakita sa’kin ni Jared ang sugat sa leeg ni Sheena. Teka, sa susunod na lang natin ‘to pag-usapan dahil kailangan ko na silang puntahan.”“Sa’n munang estasyon nila dinala ang kaibigan ko?”“Hindi ko rin alam. Sige na, kailangan ko na talagang umalis.”Bago pa man ito mapigilan ni Katherine ay nakailang hakbang na palayo si Levi. Kaya gulong-gulo na siya ng mga sandaling iyon. Hindi niya naman pwedeng sabihin sa magulang ni Lian ang nangyari dahil baka samahan na ni Marilyn ang asawa sa kama kapag nalaman na nasa police station ang anak.Kinuha niya sa bag ang phone saka nag-scroll, pinag-iisipan na tawagan si Cain pero sa huli ay hindi niya magawa. Naaalala niya ang mga sinabi sa dating asawa at sa tingin niya ay hindi na siya nito kakausapin pa.Hanggang sa makatanggap ng message mula kay Yohan, kaya naisip niyang ito na lang ang pakiusapan na magtanong-tanong kung nasa
NATIGILAN si Lian saka nilingon ang kaibigan. Pagkatapos ay niyakap ito nang mahigpit, hindi na naman mapigilan na maging emosyonal. “Salamat talaga, Sissy. Nawawalan na ako ng pag-asa pero mabuti na lang at nandito ka.”Marahan din itong niyakap ni Katherine upang hindi masaktan. “Kaya ‘wag ka nang masiyadong mag-alala. Mailalabas kita rito,” paniniguro niya ngunit nag-iisip din kung paano niya iyon magagawa. Kailangan niya ang malaking halaga para mapiyansahan ito pero paano kung magsampa ulit si Jared o hindi kaya ang fiancée nito ng kaso laban kay Lian? Walang-wala silang pera para sa piyansa.Kaya bago pa magtanong ang kaibigan kung paanong paraan ang gagawin ay d-in-istract niya ito sa pagtulong na magbihis, matapos magamot ang likod nito.Ilang sandali pa ay kumakatok na ang pulis sa labas. “Ma’am, tapos na po ba kayo riyan?”“Oo, sandali lang,” ani Katherine.Mayamaya pa ay lumabas sila sa banyo na namumula ang mga mata dahil nag-iyakan pa sila sa loob. Pagkatapos ay ibinalik
NAGTAKA si Katherine kung bakit humarang si Joey pero hindi na niya iyon pinansin at muling hinarap si Cain. “Wala akong balak na manggulo pero kailangan ko lang ang tulong mo… Si Lian.”Walang kaalam-alam si Cain sa sinasabi nito kaya tinanong niya ang assistant. Binulong naman ni Joey ang nangyayari kay Jared at Lian. Napatiim-bagang siya saka matalim itong tiningnan sa mga mata. Kung ano man ang problema ng kaibigan ay hindi niya panghihimasukan dahil labas siya roon. “Busy ako,” iyon na lamang ang sinabi niya at naglakad na palayo. Ang babae naman na kasama ay agad na sumunod matapos tingnan nang masama si Katherine.Nawalan ng sigla si Katherine nang lagpasan siya ng dating asawa. Sa isang iglap ay parang gumuho ang mundo niya nang makitang wala ng kalambing-lambing kung paano ito tumingin sa kanya.Parang gusto na lang niyang mapaupo sa kalsada lalo na nang nagsisialisan na ang mga taong naroon na nakiki-osyuso. Si Joey naman ay humingi lang ng paumanhin at naiintindihan naman n
NAPAKURAP si Cain sa alok nito at nakuha pang tingnan si Joey na tila nakamasid sa magiging reaksyon niya. “H-Hindi,” tanggi niya kahit may parte sa kanya nan a-excite sa sinabi nito.“Sandali lang naman,” pagpupumilit pa ni Katherine, ayaw sumuko hangga’t hindi siya napagbibigyan.Muling napatingin si Cain sa assistant na tumatango-tango na sa kanya, nagpapahiwatig ng pag-oo nito. Kulang na nga lang ay sabihin na sumama na siya sa loob.“Sandali lang?” pag-uulit niya sa sinabi ni Katherine.Tumango ito. “Saglit lang talaga.”Napahinga naman si Cain saka lumabas sa kotse at sinundan ito. Pero nang nasa tapat na ng unit ay nakatanggap siya ang message mula sa assistant.Joey: Sir, umalis na po ako at lumalalim na ang gabi.Napailing na lamang si Cain saka nag-reply.Cain: Humanda ka sa’kin bukas.Joey: Joke lang, Sir. Nandito pa ‘ko sa labas. Hintayin ko po kayong matapos.“Pasok ka.”Nag-angat siya ng tingin matapos marinig ang boses ni Katherine na nasa loob na ng tirahan nito.Itina
NATIGILAN si Katherine sa narinig, bigla siyang nakakita ng pag-asa para sa kaibigan. Ngunit sa pagkakasabi nito ay tila lumalabas na tutulong lang si Luke dahil sa kanya at hindi dahil sa kaibigan din nito si Lian.Magkaganoon man ay hindi na niya iyon pinagtuonan ng pansin kahit pa may hindi sila pagkakaunawaan. Ang mahalaga sa kanya ay mailabas ang kaibigan sa selda bago pa ito mapatawan nang mas mabigat na kaso.“Talaga bang matutulungan mo si Lian?”“Oo naman, punta ka rito nang mapag-usapan natin ang detalye—“ saka sinabi ang address kung nasaan ito ngayon.Nagtaka naman si Katherine dahil hindi address ng ospital ang sinasabi nito. “Na-discharge ka na ba?”“Ang boring kasi sa ospital kaya nag-decide na ‘kong umuwi na lang at doon magpahinga tutal wala naman ng rason para mag-stay ako roon kung wala naman problema sa’kin.”“Okay, pupunta na ‘ko riyan.”Pagkatapos ng pag-uusap nila ay naligo na siya at nag-ayos. Mga ilang minuto lang din ay narating na niya ang sinasabi nitong lu
NAPAKUNOT-NOO si Katherine, ang ekspresyon ay parang nandidiri. "Anong pinagsasasabi mo? Mga kalokohan mo talaga, kaya tayo napagkakamalan, e."Tumawa naman si Sherwin. "Joke lang naman.""Well, obviously. Hindi magandang biro.""Nabo-bored na kasi ako ro'n sa unit ko, wala akong magawa. Ganito pala ang feeling 'pag tambay.""Malapit ng pasukan, ba't hindi mo na lang asikasuhin ang trabaho mo sa university?""Nah... nakakatamad."Napanganga si Katherine. "What the...! Now I know kung ba't wala kang girlfriend at kung ba't ayaw mo pang mag-settle down.""You already want me to get married? Saka, anong kinalaman ng katamaran ko sa pag-aasawa?""Why not? You're old enough."Umiling si Sherwin. "Pa'no na lang kayo kung mag-aasawa na 'ko?""No!" biglang sigaw ni Shannon. "'Di ka pwede mag-asawa, Tito. Wala akong magiging kalaro.""Exactly!" react ni Sherwin.Natawa si Katherine. "Okay, baby. Hindi na pwedeng mag-asawa si tito Sherwin mo hangga't hindi mo pinapayagan," aniya saktong tumunog
HINAPLOS-HAPLOS ni Sherwin ang buhok ng bata. "Magbabay ka na sa kanila," aniya.Lumingon naman si Shannon at pagkatapos ay kumaway sa dalawa. "Thank you po sa tulong. Babye na po."Kumaway rin si Joey pero nanatili ang tingin ni Cain, parang nahipnotismo. "Ahm, Sir? Ayos lang kayo?" aniya nang mapansin na nakatitig lang ito.Napakurap si Cain. "Sha-Sha, right? Nice meeting you." Sabay lahad ng kamay. "Ako nga pala si Cain, you can call me tito Cain."Ngumiti naman ang bata saka inabot ang kamay nito. Marahang pinisil bago bitawan. "See you, next time po!"Pagkatapos ay naglakad na palayo si Sherwin upang mabalikan si Katherine na naghihintay. "'Wag mo nang uulitin 'yun, a? Hindi ka dapat basta-bastang umaalis.""Sorry po. Akala ko kasi si Mommy 'yung sinundan ko, hindi pala.""Mabuti na lang talaga at mabait 'yung tumulong."Tumango-tango naman ang bata, nalulungkot dahil napagsabihan."Sha-Sha!" si Katherine na niyakap agad ang anak. "Sa'n ka ba nagpupupunta?!"Sumimangot at biglang
BIGLANG nabuhayan si Sheena nang dumating si Jared, naluha pa nga siya sa tuwa. Inangat ang dalawang kamay, animo ay inaabot ito. "M-Mabuti naman at nandito ka na. Dalhin mo naman ako sa ospital, nahihirapan na 'ko.""Nahihirapan ka na?" may pagkasarkasmong sabi ni Jared. "Nahihirapan ka na sa lagay mong 'yan?"Tumango-tango si Sheena, may ngiti sa labi. Hindi man lang pansin ang namumuhing tingin ni Jared. Ang nanginginig at mariin na pagkuyom ng kamay."Kung gano'n ay ba't mo pa kailangang pahirapan ang sarili mo? Mamahinga ka na habangbuhay."Naglahong bigla ang ngiti sa labi ni Sheena ng marinig iyon. Hindi niya akalaing masasabi ni Jared ang ganoon kasamang bagay sa kanya."G-Gusto mo na 'kong mamat*y...? Matapos ng ginawa kong kabutihan sa'yo?! Wala kang utang na loob!"Napatiim-bagang si Jared, kulang na lang ay hatakin ang mukha nito pero nagpigil siya. "Sabihin mong gusto mong sabihin pero matagal ko ng pinagbayaran ang ginawa mo. Hindi porke't minsan mo 'kong tinulungan ay h
NAPAKUNOT-NOO si Cain sa narinig. Gulong-gulo siya at nagpalinga-linga sa paligid. "Pa'no nangyari 'yun? Tatlong araw?!" At nagpalipat-lipat ang tingin sa dalawa. "Si Marc?" Pagkatapos ay bumangon, kahit masakit ang katawan ay pinilit niya ang sarili. "Anong nangyayari? Para akong nabugbog." Akmang tatanggalin ang nakakabit na IV fluids ng pigilan ni Stella.Lumapit naman si Helen sa kama saka hinawakan ang balikat ng anak. "Three days ago, nakatanggap kami ng tawag mula kay Marc. Ang sabi niya ay nabunggo ka ng kotse sa labas lang ng ospital," aniya upang unti-unti nitong maalala ang nangyari.Napahawak naman si Cain sa ulo ng bigla itong kumirot. Saka niya naalala ang lahat. "S-Si-Si Katherine! Siya 'yung pasaherong sakay ng nahulog na taxi sa tulay!" Wala ng paligoy-ligoy pa, hinablot niya ang IV fluids sa kamay."Cain!" react ni Helen."Kailangan kong malaman kung anong nangyari sa asawa ko!"Sabay na napasinghap ang dalawang babae sa narinig. "A-Anong sinasabi mo?" naguguluhang t
DAHIL sa impact ay sumadsad pa ang taxi palabas sa barricade hanggang sa muntikan nang mahulog sa tulay. Kaunting maling galaw ay talagang bubulusok pababa ang sasakyan.Si Katherine na nasa backseat ay napahawak sa noo ng maumpog sa passenger seat. Kung hindi siguro siya nakapag-seatbelt ay baka lumipad na siya palabas.Kahit mahilo-hilo sa puwesto ay inalala niya ang kalagayan ng driver. "K-Kuya?" Ngunit hindi ito gumagalaw. Niyugyog niya pa ang balikat nito pero hindi pa rin nagkakamalay.Hanggang sa mapansin ni Katherine na umuuga ang taxi. Pagtingin niya sa labas ay napatili siya sa takot. Kalahati ng sasakyan ay lampas na sa barricade!Nagkukumahog siyang lumabas ng tila mahuhulog sila. Naririnig niya ang langitngit ng metal na bumibigay."S-Saklolo!" sigaw niya na kahit gusto ng lumabas ay hindi niya magawang gumalaw. Steady lang siya sa puwesto sa takot na mahulog ang taxi."Miss, 'wag kang gagalaw!" sigaw ng lalakeng nagmamagandang loob.Hanggang sa dumami na ang mga nakiki-u
KAHIT biglaan ang kasal nila ni Cain ay nakapag-hire pa rin ito ng photographer para may wedding photos sila.Kaya nang mabasa ni Katherine ang text message ay sinabihan niya ang dalawang bodyguard na samahan siya sa shop upang kunin ang mga litrato.Ilang minuto lang naman ang biyahe at narating na nila ang lugar. W-in-elcome siya ng staff at tinanong kung ano ang sadya sa lugar."Naka-receive ako ng message," aniya sabay pakita ng phone.Binasa naman ng staff ang mensahe saka siya iginiya papasok pa sa loob.Sa reception ay sinabi ng staff sa kasamahan ang kailangan ni Katherine."Ano pong pangalan, Ma'am?" tanong ng staff sa counter."Katherine Garcia-- Vergara."Tumango ang staff. "Sandali lang, Ma'am at titingnan ko rito." Yumuko ang babae, hinanap sa drawer ang kailangan ng customer.Habang naghihintay si Katherine ay nakarinig siya ng shutter ng camera kaya napatingin siya sa partition wall. Sa palagay niya ay may ibang customer ang shop kaya naririnig niya iyon."Ito na po, Ma
NABIGLA rin si Katherine sa naging reaksyon, hindi inaasahang magagalit siya ng ganoon.Nauunawaan naman ni Cain ang outburst nito dahil emosyonal pa. Pagkatapos ay binalingan si Marc. "Akin ng phone." Matapos matanggap ay kinausap si Margaret, "Ba't ka napatawag?" aniya saka pinagsalikop ang kamay nilang dalawa ni Katherine at pagkatapos ay ni-loudspeaker ang tawag para marinig din nito. Gusto niyang ipakita na wala siyang ginagawang masama o hindi nito kailangan na mabahala sa tawag ng dalaga."Cain!" iyak ni Margaret sa kabilang linya. "Ang sama ng pakiramdam ko, parang lalagnatin ako."Napasulyap si Cain sa asawa, hindi maikakaila ang iritasyon sa mukha nito kaya hindi niya maiwasang matuwa. Dahil ngayon na lamang niya nakitang magselos si Katherine."Tawagan mo ang ospital, matutulungan ka nila.""Pero alam mo naman na ilag ako sa mga tao'ng hindi ko kilala," dahilan pa ni Margaret.Kunot na kunot ang noo ni Katherine dahil nayayamot na siya sa kaartehan ng babae. Sa inis ay bina
NATULALA ng ilang segundo si Katherine saka nagalit. "Anong klaseng biro 'yan?! Hindi nakakatuwa.""Hindi ako nagbibiro. Mismong assistant ni Jared ang kumontak sa'kin para ipaalam na naaksidente ito at si Lian."Habang nagpapaliwanag si Cain ay tumulo ang luha sa mga mata ni Katherine, na maging siya ay nabigla. Hinawakan ang pisnging nabasa ng luha.Nag-alala naman si Cain, lumapit at hinawakan ang magkabila nitong pisngi, pasimpleng pinupunasan ang luha. "Baby, kalma lang. Nandito lang ako." Nang hawakan niya kasi ay naramdaman niya ang panginginig ng katawan at panlalamig ng balat nito."H-Hindi naman totoo, 'di ba?" umaasang tanong ni Katherine. Naniniwala siyang hindi siya iiwan ng kaibigan. "Sabihin mo sa'king hindi totoo."Nahirapan sumagot si Cain hanggang sa hawiin ng asawa ang kamay niya at mabilis na lumabas sa sasakyan. "S-Sandali lang!" pigil niya pa nang tumakbo ito papasok sa ospital. Hinabol niya ito hanggang sa huminto sa isang makitid na pasilyo. "Katherine..." samb
HALOS isang metro na lang ang layo at mabubundol na si Lian ng sasakyan na paparating. Natapakan man ng driver ang preno pero nagtuloy-tuloy pa rin ang kotse.Si Jared naman na tumatakbo ay nagawang mayakap ang dalaga saka ito prinotektahan. Ang katawan niya mismo ang ipinangharang kung sakaling mabunggo nga silang dalawa.At hindi nga siya nagkamali dahil naramdaman niya ang impact at ang paggulong-gulong nila sa kalsada. Si Ulysses na naghihintay sa kotse ay napalingon matapos makarinig ng pagkabunggo.Nang makita niyang nakahandusay sa sahig ang amo at si Lian ay dali-dali siyang lumabas, tinakbo ang mga ito. "A-Anong nangyari, Sir Jared!" Bahagya siyang nataranta, hindi malaman ang gagawin dahil parehong walang-malay ang dalawa.Ang driver naman ay bumaba at tiningnan din ang nabunggo. "H-Hindi ko sinasadya, bigla siyang sumulpot!"Tumawag naman agad si Ulysses ng ambulansiya saka ito binalingan. "'Wag kang aalis, diyan ka lang!" babala niya rito nang akma itong babalik sa sasakya