Prologue

SA LOOB ng isang bar, matatagpuan si Laura na tahimik na umiinom habang pasimpleng iniindayog ang ulo sa saliw ng tugtugin.

Maririnig sa paligid ang kuwentuhan at tawanan ng ibang customer, amoy ng pinaghalong sigarilyo at alak.

Nakailang baso na siya ng alak at balak pa sanang umorder, pero mabigat na ang talukap ng mga mata. Nahihilo na siya at hindi na kayang dumilat nang maayos.

Hanggang sa tuluyan na ngang bumagsak ang ulo niya sa counter. Ang bartender na gumagawa ng drinks para sa ibang customer ay napalingon.

Binigay muna ang inumin saka marahang tinapik ang balikat ni Laura. “Ma’am?”

Ngunit hindi na gumagalaw ang dalaga o nag-aangat ng tingin.

Napakamot sa likod ng ulo ang bartender saka niyugyog ang balikat nito. “Ma’am, ‘wag po kayong matulog dito.”

Mayamaya pa ay nagmulat ng mata si Laura at kahit nahihilo ay umayos siya ng upo. “Hindi… wala namang kama rito. Ba’t ako matutulog?”

Asiwang ngumiti ang bartender. “Ahm… mas mabuti pa siguro, Ma’am—” sabi ng bartender, nag-aala