Chapter 7: Driver

Mabilis na nag-isip si Richard ng paraan. Umubo siya ng tuyo bago pa makapagsalita ang manager, sabay tulak sa lalaking nasa likod niya.

"Hindi, baka na-misunderstood mo," sambit ni Richard, kunwari kalmado. "Siya si Mr. Gold, ang President." Sabay tulak kay Kevin sa unahan.

Natulala ang manager at ang assistant ni Richard, pero agad silang binigyan ni Richard ng isang malupit na tingin — 'Sumakay kayo, or else.'

"Siya si Mr. Gold?" tanong ni Fae, nakakunot noo habang nakatingin sa lalaki.

Tumango si Richard, pilit ang ngiti. "Tama, siya si Kevin Gold, ang president." sabay siko kay Kevin.

Napailing si Kevin pero ngumisi rin, alam na niya ang pinaplano ni Richard.

'Aba, scapegoat pala ako rito,' isip niya. Inayos ang suot na suit, nilagyan ng konting yabang ang tindig at nagsalita.

"Tama, ako si Kevin Gold, President ng kumpanya," seryoso ang tingin kay Fae. "Narito ako para icheck ang subsidiary ng Gold Prime Enterprise."

Tapos hinarap niya ang manager, "Lead the way to my office."

Medyo naguguluhan man, mabilis na tumango ang manager at inuna si Kevin. Pero bago pa sila lumakad palayo, lumingon si Kevin kay Richard.

"Richard, kausapin mo muna ang asawa mo, sumunod ka na lang sa opisina," may ngiti sa labi ngunit may bahid ng pang-aasar.

"Opo, Mr. Gold," sagot ni Richard, medyo naglalim ang tono.

'Mamaya ka sa akin, Kevin!' bulong niya sa sarili habang sinundan ng tingin ang grupo.

Pagkatalikod ng mga grupo, lumapit si Fae kay Richard, puno ng tanong.

"Hoy! Anong ginagawa mo rito? Bakit kasama mo si Mr. Gold?" usisa niya, napapakunot ang noo.

Nagkunwaring kalmado si Richard.

"Ah… nakahanap ako ng trabaho. Driver niya ako," sabay ngiti.

"Ay, wow!" sabay tapik ni Fae sa braso ni Richard. "Ang swerte mo naman. Driver ka ng presidente!"

Ngumiti si Richard, medyo pilit.

Bigla, tila may naalala si Fae. Natigilan siya at parang nakakita ng multo habang nakatitig kay Richard. Kumunot ang noo, "Teka..."

Biglang kinabahan si Richard at napalunok nang mariin, ramdam niya ang bilis ng tibok ng kanyang puso. 'Patay… na-discover ba ako?'

Tanong niya sa kanyang sarili.

Pinanliitan siya ng mata ni Fae, parang detective na may na-detect. Tapos, bumulong sa mababang boses, "Kanina lang... may narinig ako... may mga sabi-sabi na hindi normal si Mr. Gold."

Napakunot-noo si Richard.

"Hindi normal? Ano'ng ibig mong sabihin?"

Bulong niya pabalik.

Mas lalo pang humina ang boses ni Fae, parang may malalim na sikreto.

"May nagtsitsismisan dito kanina, sabi niya… si Mr. Gold daw, hindi tumitingin sa babae. Ang tipo raw… mga lalaki! At hindi lang basta lalaki — yung tipong nag-eenjoy raw siya sa mga pogi, at minsan raw may pa-private party pa para sa mga gwapo niyang staff. Sabi pa, baka raw kaya hindi siya tumitingin sa mga babae kasi…"

Inikot ni Fae ang daliri sa hangin, sabay kindat. "Alam mo na."

Halos mabilaukan si Richard.

"Sino naman may sabi niyan?!"

Tanong niya, parang nagpipigil ng tawa at inis.

Umiling si Fae, "Hindi na mahalaga kung sino — ang mahalaga, mag-ingat ka. Gwapo ka pa man din, baka kaya ka kinuhang driver ni Kevin kasi… gets mo na, 'di ba?"

Sabay tango at seryosong tingin kay Richard.

Hindi alam ni Richard kung matatawa o maiinis. Napailing na lang siya. "Oo na, oo na. Mag-iingat ako," sagot niya.

Ngumiti si Fae at tinapik sa balikat ni Richard. "Sige na, balik ka na roon, baka pagalitan ka pa ng amo mo at paghubarin ka pa niyan sa opisina!" Biro ni Fae sabay tawa.

Ngumiti si Richard, pero halatang hindi genuine — parang gusto niyang magwala.

"Okay, sige… babalik na muna ako. Good luck sa interview," sabi niya sabay talikod, mabilis na lumabas ng opisina.

Sakto naman, lumabas ang lalaki at tinawag ang pangalan ni Fae.

"Faerie White!"

"Yes, I'm here!" Nakangiting tugon ni Fae, sabay tayo.

....

Sa opisina ng President

Chill na nag-uusap si Kevin at ang manager nang biglang bumukas ang pinto ng opisina at bumungad si Richard na may madilim na ekspresyon, parang isang halimaw na galit sa mundo.

Nang makita ito, bumulong si Kevin, "Mukhang may hindi magandang nangyari sa pagitan nila ni Mrs. Gold…" Sabay ngisi sa manager.