Capitulo Ciento Setenta Y Dos

“Wala pa rin bang balita kay Raphael, Teh?” nag-aalala na tanong ni ZD.

Tipid siyang ngumiti, “Wala pa rin, e. The rescue team is searching for any survivors.” She paused and swallowed hard, “I pray that Raphael’s one of them. I don’t know how to explain to the kids that their dad is missing.”

“Ilang araw na ang lumipas, ah!” sabat ni Mimi.

Ilang araw na ang lumipas pero hanggang ngayon ay wala pa ring balita patungkol kay Raphael. Hinahanap na ito ng mga bata ngunit wala siyang matino na maisagot. Panay lang siya palusot na abala si Raphael at uuwi rin sa makalawa. Ayaw niyang magsinungaling sa mga bata. She wants to tell them the truth but she doesn't know how. At isa pa, hindi pa sila nawawalan ng pag-asa na makabalik si Raphael sa kanila.

“Ipagdasal na lamang natin na sana makabalik na siya. Lalo pa’t attached na ang mga bata sa kaniya.”

Tinuon muna niya ang atensyon sa pagtatrabaho. Buong araw ay abala siya sa mga pasyente niya. May iilan na kinausap niya para sa mga operasyon.