Capitulo Veinte-Siete

Matapos ng komprontasyon nila ay nagkulong si Tati sa banyo. Mayamaya ay napagdisesyonan niyang maligo. Nakatulong ang malamig na tubig para mapagaan ang nararamdaman niya at ang init ng ulo niya. Sino nga ba naman ang hindi maiinis sa sinabi ng asawa niya.

Siya buntis? E, hindi nga siya marunong lumandi. Kaya nga nagtataka siya kung bakit sila ikinasal ni Raphael.

Nang matapos siyang maligo at lumabas ng banyo ay wala na roon ang asawa niya. Na ikinatuwa ni Tati, agad siyang nagbihis. Suot ang yellow sundress.

Medyo nakonsensya siya sa pagsuntok niya kay Raphael kanina pero agad rin nawala ang guilt na nararamdaman niya nang akalain nitong buntis siya.

Nang makababa siya ay dumiretso siya sa dining area. Nadatnan niya ang asawa si Raphael na nagkakape, may nakahain na rin na mga pagkain sa mesa. Nag-angat ng tingin si Raphael, nagkasalubong ang kanilang mga mata. At mabilis na umirap si Tati.

“Good morning, Ma’am!” masiglang bati ni Lali kay Tati. “Gusto niyo po ng kape?