KABANATA 9

Pasado alas singko na ng umaga nang mamataan niya ang pagdating ng isang may-katandaan nang lalaki.

Sa tingin niya at kung hindi siya nagkakamali ay isa itong bangkero. Iyon nga lang, imbis na sa mga bangka ay sa kanila ito unang lumapit. Oo, sa kanila.

Kanina kasi, wala pa halos sampung minuto pagkaupo niya sa waiting area ay may isa pang dumating na gaya niya ay mukhang may pupuntahan din. She easily sensed it because... nevermind. Lalaki iyon at matangkad, dahilan para pakiramdam niya ay biglang sumikip sa maliit na ngang waiting area na kinaroroonan niya. Idagdag pa na may dala rin itong malaking travelling bag.

"Kayo ho ba iyong bibiyahe pa- Isla Amore de Esperanza?" nakangiting usisa agad nang may-katandaang lalaki paglapit pa lang sa kanila.

Kayo? Hindi niya na lang pinansin ang parte ng sinabing iyon ng lalaki at tumango na lang. She even smiled back at him, even a bit.

"Uhm, opo. I am heading to Isla Amore de Esperanza. Kayo po ba ang magdadala sa akin doon?" pagkumpirma at