CHAPTER 6

BLYTHE JULIANNA (ACE)....

So..., do you find me charming, huh? hmmmmm!" seryoso na sabi nito ngunit mababanaag sa mga mata nito ang isang emosyon na hindi n'ya kayang pangalan. Hindi n'ya mabilang kung ilang beses s'yang napalunok ng laway at pilit na pinapakalma ang sarili habang magkasalubong ang kanilang mga mata na dalawa ng lalaki.

"Fvck! Get your senses back to your body, Ace!" lihim na kastigo n'ya sa sarili dahil pakiramdam n'ya ay namanhid ang kan'yang buong katawan ng mga oras na iyon lalo pa at magkadikit ang kanilang mga balat na dalawa ni Luke.

"Sweety?" ipinilig n'ya ang kan'yang ulo ng marinig ang malambing na boses ni Luke at ang itinawag nito sa kan'ya.

"Back off, Muller and stay away from me! Kahit landiin mo pa ako ng landiin ay hindi pa rin ako magbabayad sa isiningil mo sa akin! Scammer ka! Scammer!" nanlilisik ang kan'yang mga mata habang pinagduduro ang lalaki. Mabuti na lang at nakabawi s'ya mula sa kan'yang pagkatulala dahil sa lalaking kaharap.

Sumilay ang isang ngiti sa labi nito at napalunok s'ya ng laway ng makita ang dalawang biloy sa pisngi ng lalaki na nagpadagdag sa taglay nitong karisma at kagwapohan.

"Damn it! Talagang malandi ang lalaking ito. Ayaw talaga akong tantanan," lihim na sabi n'ya habang kuyom ang mga kamao.

"At nagpalandi ka naman? Aminin mo, Ace na apektado ka rin sa kagwapohan ng kaharap mo!" sabat naman ng kan'yang kabilang isip na ikinainit ng kan'yang pisngi.

At para makaiwas sa lalaki ay inipon n'ya ang lahat ng natitirang lakas ng loob at mabilis na tinungo ang pinto kung saan sila pumasok kanina. Nilagpasan n'ya si Luke ngunit hindi pa s'ya nakakarating sa pinto ay mabilis nitong hinablot ang kan'yang braso at sa isang iglap ay natagpuan n'ya na lamang na magkahinang na ang kanilang labi. At ito ang ikalawang pagkakataon na hinalikan s'ya ng lalaki at katulad sa una ay ganon pa rin ang epekto nito sa kan'ya.

Mapusok ang pagkakahalik sa kan'ya ni Luke ngunit hindi s'ya nagpadala rito. Ayaw n'ya ng maging alipin ulit sa karismang taglay at sarap ng halik ng binata.

Inipon n'ya ang natitirang lakas at itinulak ito. Dahil hindi nito inaasahan ang kan'yang ginawa ay nagawa n'yang alisin ang labi nito sa kan'ya. Hindi na s'ya nag-aksaya pa ng oras at hindi n'ya na rin binigyan pa ng pagkakataon ang lalaki na makagawa ulit ng bagay na hindi dapat.

Tinalikuran n'ya ang binata at malalaki ang mga hakbang na tinungo ang pinto para lumabas. Naiwang mag-isa ang lalaki sa emergency exit ng bar ni Graciella.

Kung kanina ay gusto n'yang magbanyo ngunit dahil sa nangyari ay nagpasya na lamang s'yang umuwi. Sa kabilang bahagi s'ya dumaan para hindi na s'ya makita pa ng mga kaibigan.

Deritso s'yang lumabas at tinungo ang car park kung saan nakaparada ang kan'yang sasakyan. Walang lingon-lingon na pumasok s'ya sa kan'yang kotse at pinaharurot ito paalis.

Nakahinga lang s'ya ng maluwag ng nasa highway na s'ya. Hindi n'ya maintindihan kung bakit ganito na lang ang epekto sa kan'ya ng damuhong si Luke. Wala s'yang ideya dahil ni minsan ay hindi n'ya pa naman naranasan ang ma attract sa isang lalaki.

Luke is the first man na nakakuha ng kan'yang atensyon kaya naguguluhan s'ya kung simpleng paghanga pa ba ang kan'yang nararamdaman ng mga oras na iyon o may iba pang kahulogan.

Dahil sa kan'yang mga naiisip ay hindi n'ya na namalayan pa na nakarating na pala s'ya sa building na tinitirhan n'ya. Deritso s'ya sa kan'yang sariling car park kung saan naroon ang iba n'ya pang sasakyan at mga big bikes.

Babae s'ya pero mahilig s'yang magkolekta ng mga sasakyan at mga bikes. Mas marami pa nga s'yang koleksyon kaysa mga kapatid n'ya. At dahil nag-iisang babae lang s'ya ay madalas na napagbigyan s'ya ng kan'yang mga gusto.

Kung hindi s'ya makakalusot sa kan'yang mga magulang ay sa kuya Uno at Dos s'ya nanghihingi. Kay Tres lang s'ya medyo dehado dahil pareho silang bunso na dalawa at madalas ay ayaw nitong mag giveway sa kan'ya.

Pero hindi naman sila magkagalit ng kapatid. Close pa rin naman sila at magkakampi sa lahat ng bagay.

Matapos iparada ang sasakyan ay pinatay n'ya na ang makina at lumabas. Deritso s'yang naglakad sa elevator at pumasok sa loob. Pinindot n'ya ang penthouse at maya-maya pa ay nagsimula ng gumalaw ang naturang elevator.

Habang paakyat ang elevator ay wala sa sarili na naipikit n'ya ang kan'yang mga mata ngunit agad ding napadilat ulit ng biglang lumitaw sa kan'yang balintataw ang gwapong mukha ni Luke.

"Fvck!" malutong na mura n'ya at wala sa sarili na naihilamos ang palad sa mukha. Kahit anong gawin n'ya ay mukhang sinusundan pa rin s'ya ng imahe ng lalaki.

Natigil lamang s'ya sa mga iniisip ng tumunog ang elevator, hudyat na nasa penthouse na s'ya. Bumukas ang pinto at agad s'yang lumabas para lamang matigilan ng makita ang kapatid na si Dos na nakahandusay sa harapan ng pinto ng kan'yang bahay.

"Kuya Dos! Damn it!" natatarantang tawag n'ya rito na may kasamang mura. Agad na nilapitan ang kapatid at dinaluhan ito para lang mapamura ulit ng maamoy ang amoy ng alak sa bibig nito. He is drunk at dahil sa kalasingan ay nawalan ng malay sa pintoan ng kan'yang bahay.

"Fvck you, kuya! Pinakaba mo ako! Akala ko kung ano na ang nangyari sayo!" kastigo na sabi n'ya sa kapatid na walang malay. Matapang s'ya at malakas ang loob ngunit pagdating sa mga mahal n'ya sa buhay ay hindi n'ya mapigilan ang panghinaan ng loob lalo na kapag nakikita n'ya na nasasaktan ang mga ito.

Nagbuga s'ya ng hangin at nagpasyang ipasok sa loob ang kapatid. Akmang aalalayan n'ya na ito na itayo nang biglang bumukas ang elevator at iniluwa ang lalaki na s'yang laman ng isip n'ya simula pa kanina.

Nagtama ang kanilang paningin na dalawa at agad na nag react ang kan'yang puso sa pamamagitan ng malakas na pagkalabog ng makita ang matiim na tingin ng lalaki. Ngunit nagsalubong ang kilay nito at kita n'ya ang biglang paglamig ng awra ng makita nito ang lalaki na nakahandusay sa sahig at hawak n'ya ang kamay.

"He is my brother!" mabilis na sabi n'ya rito ng mapunta sa magkahawak nilang kamay ni Dos ang mga mata ni Luke. Huli na ng maisip n'ya kung bakit s'ya nagpapaliwanag dito. Wala naman s'yang ginagawa na masama at wala s'yang obligasyon para magpaliwanag kay Luke.

At ng marinig nito ang kan'yang sinabi ay nakita n'ya agad na nagbago ang hitsura nito. Nawala rin ang pag-igting ng mga panga na ikinahinga n'ya ng maluwag.

"Let me help you with him," boluntaryo na sabi ng lalaki na ikinabalik n'ya sa kan'yang sarili.