Chapter 40: Sneakout

"Kilala mo ba si Sir Nicolo?" Untag ni Axel sa pananahimik niya.

Tipid siyang ngumiti at umiling. "Hindi. Hindi ko siya kilala," pagsisinungaling niya. "Nga pala, pasensya ka na sa inasta ng boss ko kagabi," pag-iiba niya ng usapan.

Nagpakawala ng isang buntong hininga si Axel bago nag-angat ng tingin. "Ayos lang."

Kinagat niya ang pang-ibaba niyang labi. "Pasensya na talaga Axel. Mainit lang talaga ang ulo ni Sir Rain kagabi kaya parang ikaw yung napagbuntunan niya ng galit."

"Ganyan ba talaga siya kapag galit?" Tanong nito.

Huminga siya ng malalim. "H— hindi naman. Minsan lang. Baka kasi may problema siya kaya ganun ang naging reaksyon niya kagabi."

"At natitiis mo yung magaspang na pag-uugali ng boss mo na yun?" Tila hindi makapaniwala nitong tanong.

Hilaw siyang natawa. "Sanay na ako sa kasungitan niya Axel tsaka kahit na ganyan ang ugali ni Sir Rain, siya ang pinakamabait na lalaking nakilala ko."

Napapitlag siya nang bigla na lang nitong idinampi ang sariling palad sa kanyang no