Chapter 18

Tulad nga ng napag-usapan, lumipad nga sila pabalik ng Pilipinas kasama ang mga magulang niya. Habang lulan ng pribadong eroplano ng mga Oxford ay tahimik pa rin si Avery at tila napakalalim ng iniisip nito.

"What's your plan?" tanong niya rito sa mababang tono. Hindi naman ito lumingon sa kaniya at nanatiling nakadungaw sa bintana ng eroplano. "Very, kung hindi mo ako kakausapin o papansinin, sana man lang sagutin mo ang tanong ko kung anong balak mo sa labi ng mga magulang mo? Bukod sa'yo, may iba pa bang miyembro sa pamilya n'yo? May kamag-anak ka pa ba?" sunod-sunod niya pang tanong dito.

Nakailang tanong na siya kay Avery tungkol sa pamilya nito pero nananatili lang itong tahimik. Malalim ang iniisip, nakatingin sa labas at tulala habang may luha sa mga mata.

Naiintindihan niya naman na masakit at mahirap para rito ang biglaang pagkawala ng mga magulang nito. Pero hindi rin naman puwedeng basta na lang siyang magdesisyon para sa bangkay ng mga magulang nito.

Sunog at halos hind