Chapter 55

"Gising na siya!" Sigaw ng lalaki na hindi ko kilala habang tinatawag ang tingin ko ay nurse.

Kanina pa ako gising at nakatulala lang ng deretso habang nakahiga. Hindi gumagalaw ang katawan ko kahit ilang beses ko na gusto umalis dito. Gusto ng utak ko na umalis sa lugar na ito.

"Paano ako napunta dito." Tanong ko sa lalaki habang hindi siya tinitignan.

Nakarinig ako ng paghakbang at tingin ko ay lalapit siya sa akin.

"H-huwag k-ang lalapit! H-huwag mo k-kong hawakan!" Sumigaw ako ng sumigaw habang tinatakpan ng kamay ko ang buo kong katawan.

"T-t-tama na p-po." Pagmamakaawa ko habang umiiyak.

Muling bumalik sa utak ko ang lahat ng nangyare sa akin hindi ko lubos na maisip na nangyare ito sa akin. Kung paano nila ako tawanan habang pinagpapasa-pasahan ang tumatak sa isip ko.

"Miss, wala akong gagawin sayo na masama." Nakita kong tinaas niya ang kamay niya habang umaatras siya papalayo sa akin.

Dumating ang Doctor na babae. Nangangatal ako sa takot kaya agad siyang lumapit sa a