CHAPTER 25

PAG-AKYAT ni Charity sa kaniyang silid doon pa lamang siya nakahinga ng maluwag.

"Aalis na muna ako, Miss Charity. Sasabihan ko na lamang si Ms. Salve na ipagdala ka ng almusal."

Marahan siyang tumango kay Servant Kim bago nito isinara ang pintuan. Umikot na lamang ang paningin ni Charity sa apat na sulok ng silid na kaniyang kinaroroonan at napabuntong hininga. Buti na lamang at hindi siya gaanong naiinip doon dahil may mga libangan siya.

Naalala na naman niya ang hitsura at ang mga sinabi ni Cameron kanina sa kausap nito sa telepono. Pilit man niyang paniwalaan ang sarili na may mabuting puso si Cameron kagaya ng paniniwala rin ni Servant Kim, pero taliwas talaga ang nakikita niya sa lalaki. Kaya ang ending, hindi na niya alam kung ano ang paniniwalaan.

Halos mapatalon pa sa gulat si Charity nang biglang tumunog ang cellphone niya na nasa taas ng unan niya. Alam niyang si Milet iyon at ilang araw na itong tawag nang tawag sa kaniya, ngunit iniiwasa