DEEP WITHIN MISS COLD-HEARTED CEO'S HEART

CHAPTER 29

            “Ahhh,” malakas na sigaw ni Chelsea habang isa-isang inihahagis ang lahat ng bagay na kaniyang mahawakan. Wala siyang pakialam kung babasagin man ang mga iyon at nagkakahalaga ng hindi birong salapi. Hindi niya magagawang pakalmahin ang sarili hanggang hindi niya nailalabas ang matinding galit na nararamdaman.

            Dalawang linggo pagkatapos ng parusang ipinalasap sa kaniya ni Harry ay pinakawalan na rin siya ng lalaki subalit hindi nangangahulugan iyon na malaya na siya. Ang pagkakaiba nga lamang ay wala na siya sa abandonadong warehouse na hindi niya alam kung saan talaga ang eksaktong lugar na kinatatayuan.

            Nang dalhin siya ng mga tauhan ni Harry doon ay nakapiring ang kaniyang mga mata bukod pa sa pagkakatali ng kaniyang mga k