DEEP WITHIN MISS COLD-HEARTED CEO'S HEART

CHAPTER 45

      Isang nanlilibak na tingin ang ipinagkaloob ni Chelsea sa nakahandusay na si Marcial bago nagsalita. “Hah, puro ka daldal ay wala ka naman palang binatbat! Sagana ka lamang sa yabang! Isang paslit lamang pala ang makakapagpatumba sa iyo,” malakas na sabi nito habang humahalakhak.

            Maya-maya pa’y isang nakamamatay na tingin ang ipinagkaloob ni Chelsea kay Makki na noon ay mahigpit nang yakap-yakap ni Ramona.

            “Kung inaakala mong matatakasan mo ang lupit ng aking paghihiganti ay nagkakamali ka,” sabi nito bago mabilis na dinampot ang baril ni Marcial subalit bago pa man niya maitutok iyon sa direksiyon nina Ramona at Makki ay nalingunan niya ang pagpasok ng apat na kasamahan ni Marcial.

      &