DEEP WITHIN MISS COLD-HEARTED CEO'S HEART

CHAPTER 54

          Nagulat ang lahat ng Department Heads ng MSSTTH nang makatanggap ng tawag na pinapupunta silang lahat ni Mr. Marco San Sebastian sa boardroom na matatagpuan sa twentieth floor. Bagaman nagtataka dahil sa biglaang pagpapaakyat sa kanila ay walang nagawa ang mga ito kung hindi ang sumunod.

          “Well, alam kong kayong lahat ay nagtataka kung bakit tayo natitipon ngayon dahil batid naman nating lahat na wala tayong scheduled meeting sa araw na ito. Kaya lamang ay may importanteng sasabihin sa inyo si Mr. San Sebastian kasama ang ating Lady Boss,” very formal na paliwanag ni Billy sa harap ng mga Department Heads nang makumpleto ang mga ito.

           “So, hindi ko na patatagalin pa, let me call on our President, Mr. Marco San Sebastian and Miss Samantha Sevilla,” dagdag pa nito na lumingon sa direksiyon ng connecting do