Chapter 2

---

Ilang araw na nagiisip si Annie kung bakit siya pumayag sa gusto ng lalake na nakilala niya sa bar. Ngayon dumating na ang araw ng nakatakda nilang pagkikita. Nakahanda ang mga numbers na pwede niya tawagan kung sakaling may gawin sa kaniyang masama ang lalake. Pero mukha naman siyang disente kahit na sinabi ni Ate Pam na regular customer siya sa bar, isip niya.

"Ate Pam, ito nga pala ambag ko sa tubig at kuryente natin," sabi ni Annie sabay abot ng pera kay Pam.

"Wow naman, sweldo mo ba kagabi?" tanong ni Pam.

"Oo ate, binigyan nako ni manager.. Nga pala Ate Pam, may lakad ako ngayong umaga baka hnd ako makasabay sayo pagpasok sa bar," pagpapaalam ni Annie.

"Ah ganon ba? Saan naman ang lakad mo?" curious na tanong ni Pam.

"May inorder ako sa online ate, imemeet up ko," pagsisinungaling ni Annie.

"Ah, o sige.. Magingat ka ha," payo ni Pam kay Annie.

Umalis na si Annie at nagpunta sa Brilliant Palace, ang kilalang pinakamahal na restaurant sa lugar nila. Nang bumaba siya sa harap nito ay matagal tagal din siyang nakatayo dahil sa labis na pagkamangha sa ganda ng building nito. Maya maya pa ay napagdesisyunan na niyang pumasok, pagdating niya sa may pinto pinagbuksan siya ng security guard at agad sinalubong ng isang waitress.

"Do you have a reservation ma'am?" tanong ng waitress.

Natulala si Annie dahil hindi niya alam kung ano ang isasagot buti at naalala niya ang apelyido ng lalake na nabanggit ni Pam.

"For Mr. Dela Vega?" pagbabaka-sakali ni Annie.

"Oh! I see.. please follow me." Tumalikod ang babae atsaka naglakad papasok sa restaurant.

Manghang mangha si Annie sa interior ng restaurant pati na rin sa mga taong kumakain na mahahalata mong mayayaman. Maya maya pa ay pumasok ang babae sa hallway kung saan may nakapaskil na "VIP" saka tumigil sa tapat ng isang pinto at binuksan ito ng nakangiti sa kaniya. Pumasok si Annie sa loob at nagpa-linga linga. Napakaganda, isip niya.

"Good morning Ms. Annie," bati ng isang lalake na nasa likod niya. Nagulat naman siya kaya agad siyang napalingon.

"M-Mr. Dela Vega," nauutal na bigkas ni Annie. Ang totoo ay kinakabahan siya dahil hindi niya alam kung anong mangyayari sa pagpayag niyang makipagkita. Gustuhin man niyang umatras ay huli na dahil andito na ang lalake.

"Oh, you know me.." gulat na sabi ng lalake.

"Sinabi sakin ni Ate Pam," sagot ni Annie.

"Ah, Pamela.." sambit ng lalake saka tumango.

"Please sit down," dagdag niya.

May kung anong humihila kay Annie at napaupo siya sa harap ng mesang maliit. Nakakabinging katahimikan ang namamayani sa kapaligiran nilang dalawa nang maupo ang lalake sa harap niya.

Ilang minuto na ang nakakalipas nang may pumasok na mga waiter na may dalang mga pagkain at isa-isang nilapag ang mga ito sa mesa saka lumabas.

"Please, eat." Kinuha ng lalake ang kutsara at tinidor saka nagsimulang kumain. Litong lito si Annie sa mga nangyayari, hindi rin naman siya binibigyan ng paliwanag ng lalake kaya siya na mismo ang naunang magsalita.

"Ano bang kailangan mo sakin?" tanong ni Annie. Tumingin sa kaniya ang lalake saka tumigil sa pagkain.

"I'm Chase Dela Vega, the only heir of Dela Vega Services and Group of Companies. I'm 25 years old, a bachelor and CEO of Brilliant Corporation," pagpapakilala niya sabay abot sa calling card niya na ikinagulat ni Annie.

"So ano ngang kailangan mo sakin?" tanong niya matapos tanggapin ang calling card.

"My parents want me to have a successor. Kahit na bata pa ako gusto nila na may makikita na silang sure na tagapagmana ko and as you can see, wala akong asawa. I don't want a serious relationship," paliwanag niya.

"Kinukwento mo ba sa akin yan? kasi wala akong nakikitang koneksyon sa kung bakit ako nandito," mataray na sabi ni Annie.

"Siguro naman nabanggit ni Pam na regular customer ako sa bar. Oo, totoo un pero hindi ako nandoon para mag-table ng babae o tumikim man lang. I'm there for a reason."

"And that reason is you.."

"Ako? Bakit ako?"

"I have been seeing you at the bar for a few weeks now and I can see na hindi ka talaga nagpapa-table and you seem like a simple girl na gusto lang magtrabaho. Siguro, naglayas ka sa inyo?"

Nagulat si Annie sa sinabi ni Chase. Napakagaling naman manghula nito, isip niya.

"Paano mo naman nasabing naglayas ako sa amin? Hindi ba pwedeng may sakit lang ang nanay ko kaya ako nagtatrabaho?" pagpapalusot ni Annie.

"Oh come on.. I've been hearing that kind of excuses for a long long time.. Atsaka matagal na kitang pinababantayan sa tauhan ko and ang report niya, kila Pamela ka tumutuloy."

"Ano?! Stalker ka!" pambibintang ni Annie.

"No! Pinapasundan lang kita kasi gusto kong masigurong ligtas ka."

"At bakit mo naman gagawin yun? Tatay ba kita?" Napakunot ang noo ni Chase sa tanong ni Annie saka huminga ng malalim.

"I have a proposal for you... You need money right?"

"Paano mo naman nasabi yan?"

"Bakit? Hindi ba?" taas kilay na tanong ni Chase.

"Kailangan.." bulong ni Annie.

"Then stop talking and listen to me!" singhal ni Chase na ikinatahimik ni Annie.

"I need a surrogate mother for my child to be.."

"Bakit hindi ka na lang mag-ampon?"

"You're really impossible! Hindi ako pwede mag-ampon kasi kailangan dugo at laman ko."

Naiinis na si Chase dahil sa pagiging matanong ni Annie.

"I'll pay you 15 million once you agree to become a surrogate mother."

Natahimik si Annie sa narinig niyang presyo. Kung iisipin ang mga pwede niyang mabili at magawa sa halagang 15 million, namamangha na siya. Kahit limang beses pa siyang magpagawa ng grocery store non. Makakabili na rin siya ng sasakyan at bahay para sa magulang niya. Ang kailangan niya lang gawin ay maging ina ng anak ng lalakeng nasa harap niya. Teka ina ng anak, isip niya.

"Teka.. ibig sabihin magbubuntis ako?" tanong ni Annie.

"Oo, pero wag ka magalala, walang mangyayari sa atin lahat idadaan sa mga doctor," paliwanag ni Chase.

"Ayoko, bata pako.. Hindi ko gusto magbuntis" sabi ni Annie saka tumayo.

"Sigurado ka? 15 million to." Ngumisi si Chase kay Annie.

"Oo, sigurado ako. Maghanap ka na lang ng ibang babae," mariin niyang sabi bago lumabas ng kwarto.

Ako? Magbubuntis? No way. Atsaka bakit ako? Marami naman sigurado diyan na papayag eh, meron nga na kahit hindi mo na idaan sa mga duktor eh, isip ni Annie. Napailing na lang si Annie habang nasa byahe papunta sa bar. Nang makarating siya ay agad siyang nagtungo sa back stage para mag-ayos ng mga kakantahin niya.