Kabanata 90

“Ako po si Adaline. Isa ako sa naging pasyente ni Ate Lia. Na diagnose ako na may sakit sa atay. Nang mapadpad ako sa hospital kung saan nagtatrabaho si Ate Lia ay kinakailangan ko ng operasyon ngunit hindi sapat ang pera ni mama. Kaya sana binabalak ni Mama na magpa discharge na lang ako at babalik na lang kapag may sapat na ipon na kami. Pero si Ate Lia… Hindi siya pumayag na umalis ako sa hospital. Kinausap niya si mama na hindi ako p'wedeng umalis at kinakailangan ko agad ng operasyon habang hindi pa kumplikado masyado ang sakit ko. Pero pinaintindi ni mama sa kaniya na hindi sasapat ang pera niya para mapa operahan ako. At nang araw na iyon ay sinabihan ni Ate Lia si mama na bukas na lang daw ako magpa discharge… Pero kinabukasan, nabalitaan na lang namin ni mama na nakaschedule na ako for operation. At wala na raw akong babayaran na doctor’s fee. Iyong balanse naman daw ay si Ate Lia na raw ang bahala. Noong una nagalit pa ako sa kaniya kasi hindi ko maintindihan kung bakit niya