Chapter 23 PART 2

“G-gusto mong ipakilala kita sa kanila bilang boyfriend ko?” tumango ito, ngunit kumunot ang noo.

“Ayaw mo ba?” bigla ay parang may tampong tanong niya. Hindi ko maiiwas ang mga mata kong nakatitig sa mga mata niya.

“Hindi naman sa ganoon, kaya lang, seryoso ka ba talaga sa relasyon natin? Saka–”

“Why? Are you not sure about me? hindi mo gustong maging girlfriend kita? I like you, really. And I’m serious when I said I want you to be my girlfriend. Besides, akin ka naman na talaga. Hinding-hindi na kita pakakawalan pa. Kaya kung iniisip mong isang laro lang ang relasyon natin, well I’m telling you now that it’s not!” seryosong putol niya sa sasabihin ko pa sana. Napamaang ako dahil hindi ko alam kung ano ang susunod na isasagot sa sinabi niya.

Magkahawak-kamay kaming lumabas ng silid niya. Ipinaghila pa niya ako ng upuan. Hindi ko alam ang mararamdaman sa bilis ng mga pangyayari. Pero may bahagi ng puso ko ang parang masaya nang marinig ang sinabi ni Lance kanina. Hindi na nga ako n