Chapter 25.2: Suspicious

Si Wade ang nagbukas ng pintuan ng IR or Interrogation Room. May dalawang inspector na rin ang narito na kumakausap sa boyfriend ng biktima. Nang makita nila kami, agad nila kaming tinanguan at nagbigay ng space para sa amin ni Wade.

“Try niyo pa i-push. Kanina pa tulala ‘yan,” bulong ng isang inspector bago kami lagpasan.

Umupo kami sa tapat niya habang nakatitig lang siya sa kawalan. Nababasa ko rin sa mukha niya ang lungkot at sakit. Pero kahit na gano’n, posible pa rin na may kinalaman siya sa pagpatay.

Binuksan ni Wade ang folder na naglalaman ng information niya at pinabasa sa ‘kin iyon.

“Oliver Agustin.” Basa ko sa pangalan niya. Pero nanatili siyang tulala at walang imik.

Tini