CHAPTER 17

ATASHIA

"Darn it, hon! Why did you ruin our day?" reklamo ni Lance.

Pigil na pigil akong patulan siya. Ayaw ko lang ng gulo kaya hinila ko na siya palabas ng mall. Hindi ko gustong madungisan ang maganda niyang pangalan dahil lang sa kabit ng kaniyang ina.

Habang pauwi kami ay hindi kami nag-iimikan. Ang masayang gala ay nauwi lang sa away na kapwa namin hindi ginusto. I want to tell him kung ano talaga ang reason ko sa action na ginawa ko pero baka lalong umusok lang ang ilong niya.

Bago matulog ay lumapit siya sa akin. Expected ko na iyon kasi hindi kami natutulog na magkaaway. Madalas niyang sabihin sa akin na kahit gaano pa katindi ang away namin, bago kami matulog dapat ay tapusin na namin iyon.

Habang nakahiga kami ay pasimple pa rin niya akong tinanong kung bakit ko nagawang sirain ang dapat sana ay masayang shopping experience niya. Hindi na ako nagsinungaling pa. Sinabi ko sa kan'ya ang pagkikita namin ng kabit ng kaniyang ina.

"Have you seen mommy there?" tanong niya sa