280

"HINDI na ba mapipigilan ang desisyon mong bumalik sa Manila?" paniniguradong tanong ni Jena sa manugang.

Marahang tumango si Aster. "Opo, Nay. Baka hindi ko na po mahintay si Jai rito sa resort."

Malungkot na tumingin si Jena kay Aster. "Pagpasensiyahan mo na ang anak ko. Naiintindihan ko ang damdamin mo, kung bakit 'yan ang pasya mo. At hindi kita pipigilan. Sana ay makaisip si Jai na puntahan ka na ngayon para naman mawala ang agam-agam sa kalooban mo."

Malamlam ang mata na nagyuko si Aster. Ayaw niyang ipakita ang pagluha sa ginang, na ina ng kanyang asawa.

Napatunghay siya sa ginang at tumingin dito na sobrang bigat ang kalooban.

"Hindi po ako galit, Nay. Medyo masama lang po talaga ang loob ko. Mag-asawa na po kami ni Jai pero parang binabalewala niya pa rin ako. Magkakaanak na po kami, ayoko po na harapin ito na mag-isa. Pero iyon po ang ipinaparamdam niya sa akin."

Hinawakan ni Jena sa balikat si Aster. Saka, tumango. "Alam ko, kaya nga naiintindihan ko lahat. Hindi ako