EXOTIC GIRL 24

"Tawagin mo na lamang akong Tita Crisanta." sabi ng matanda.

"Baka naikuwento na rin sa inyo dati ni Inday na hindi kami close. Dahil nga sa sakit niyang polio ay hindi siya mahal ng mga magulang namin. Kasalanan din nila dahil lagi nilang kinakahiya at inaapi si Inday kaya pati kami tuloy ay kinawawa din namin si Inday kahit na siya ang aming bunso. Naglayas 'yan sa amin at kung saan saan naghanap ng trabaho hanggang sa huli ay nalaman namin na nagkaroon pala siya ng pwesto sa palaisdaan dito sa Santa Barbara. Siya rin ang unang nakipagkita at kumausap sa aming mga magulang at kapatid sa probinsiya. Kahit na marami kaming hindi magandang ginawa sa kanya ay tinulungan niya pa rin kami. Kaya nga siguro swerte ang negosyo niya sa palaisdaan dahil isa siyang matulunging kapatid." sa narinig kong kuwento ni Tita Crisanta ay talagang laking pasasalamat ko sa Diyos at siya ang tumulong sa amin ni Nanay Lucia nang pinalayas kami sa mansiyon ng mga Capili.

"T-ita Crisanta, kumain na po ba kay