Chapter 2

Chapter 2

Dream Adelone Cortes

ISANG BAGSAK para sa kahihiyan ng nurse na palihim ang pagharot. Oh my gosh! Nakakahiya talaga! Sa sobrang kahihiyan ay nilaklak ko ang alak na isinalin ni dad sa isang basong nasa harapan nya saka ako tumayo at dire-diretsong lumabas ng bahay.

Sumakay ako sa kotse ko at iniuntog sa manibela ang ulo ko.

Nakakahiya ka, Dream! Nakakahiya ka!

Tok tok tok

“Ay butiki!” napaigtad ako nang may kumatok sa bintana sa gilid ko.

Suminghap ako at sunod-sunod na lumunok nang makitang si Blast Villacorta 'yon.

Mariin akong napapikit. Bakit nya pa ako sinundan? Pahiyang-pahiya na nga ako kanina e. Ano ba! Aasarin ba ako ng lalaking 'to?

Diretso ang tingin na binuksan ko ang bintana ng kotse. “B-Bakit?”

“Can we talk?” napapikit ako dahil sa boses nyang lalaking lalaki at gwapo pero syemre, mas gwapo pa rin ang boses ni Blaze.

Argh! Ipinilig ko ang ulo ko. Ano ba!

“Kung iniisip mo na ako ang pakakasalan mo, nagkakamali ka. Kay Blaze ka nila ipapa-engage.”

Mabilis akong napalingon sa kanya. “Ano?!”

Ngumisi sya saka umatras ng isang beses at sinenyasan akong bumaba sa kotse. Kagat labi naman akong bumaba habang iniisip ang sinabi nya.

Totoo ba 'yon? Totoo bang kay Blaze ako ieengage?

Naramdaman ko ang pag-iinit ng mukha ko. Iniisip ko palang kinikilig na ako. Paano pa kaya kapag totong ma-engage na kami.

“Kinikilig ka?”

Agad kong pinigilan ang nagbabadya kong pagtili saka pokerfaced na tiningnan si Blast Villacorta. “Hindi ah!”

Tumawa sya ng mahina saka naupo sa hood ng kotse ko. Isinilid nya ang mga kamay nya sa loob ng bulsa ng pantalon nya. Sumandal naman ako sa gilid ng pinto ng kotse. “A-Anong pag-uusapan natin?”

Tinisod-tisod ko ang mga maliliit na bato sa simento. Ang awkward. Kung bakit kasi sinundan nya pa ako matapos kong mapahiya.

“Wala naman. Sinabi ko lang 'yon para lumabas ka ng kotse.”

Nalukot ang mukha ko at nilingon sya. Humalakhak sya matapos makita ang hitsura ko. Hala sya! Wala naman palang sasabihin pinababa pa ako. Ngumuso ako at kumuha ng lollipop sa bulsa ko saka binuksan. Agad ko itong isinubo at kumuha pa ng isa para alukin sya. “Gusto mo?”

Ngumiti sya at umiling. “I don't like sweets.”

Nagkibit-balikat lang ako saka ibinalik sa bulsa ko ang lollipop.

Akala ko, masungit ang isang 'to. May alam din palang kalokohan. Teka, playboy din kaya sya? Siguro. Itong hitsura ba naman nya na 'to, saka malabong hindi sya maakit sa mga babaeng mahuhumaling sa kanya.

“Mamayang gabi pa ang uwi ni Blaze. Gusto mong salubungin natin?”

Nanlaki ang mga mata ko. “Hoy! Sabihin ng kapatid mo, fc ako.”

Natawa nanaman sya saka umiling. “Para kang s'ya.”

Nangunot ang noo ko. “Sinong sya?”

Umiling sya. “Wala.”

Hindi na ako nagsalita. Hindi ko maintindihan ang isang 'to. Kanina parang may gusto syang sabihin pero hindi naman nya itinuloy tapos ngayon hindi naman nya sinagot ang tanong ko. Nacucurious tuloy ako. Sinong s'ya? Kanino nya ako ikinumpara?

Umayos ako ng tayo. “Alis na 'ko.”

Umalis sya sa pagkakaupo sa hood ng kotse saka tumango sa'kin.

Bumalik ako sa loob ng kotse saka ibinaba ang bintana sa gilid ko. Kinawayan ko sya. Ngumiti at mapagbiro pa syang sumaludo sa akin. “Ingat, sister-in-law.”

Tumango lang ako at ibinaba ang bintana. Kinagat ko ang pang-ibaba kong labi dahil sa kung anong biglang kumiliti sa kalooban ko. Sister-in-law. Ang sarap-sarap no'n sa pandinig.

Maingat akong nagmaneho at dumiretso sa apartment ko. Agad akong humilata sa sofa at naalala nanaman ang kahihiyang nangyari kanina. Grabe! Ano ba naman kasing pumasok sa isip ko at nagsalita ako ng gano'n. Mabuti nalang wala doon si Blaze dahil kung nagkataon na naroon din sya, naku, baka hindi na ako magpakita ulit sa kanya dahil sa labis na kahihiyan.

***

MALAKAS ANG HALAKHAK nina Kit at Yannie matapos kong ikuwento sa kanila ang nangyari kagabi. Nandito kaming tatlo sa nurse station at talaga namang abot yata ang halakhak nila hanggang sa kabilang building.

Iyong katangahan ko palang naman ang naikukwento ko pero grabe na ang halakhak nila. Paano kung binanggit ko rin ang tungkol sa kung sino ang pakakasalan ko?

“Sigurado akong magbaback out na ang mapapangasawa mo. Kahit ako, hindi ako magpapa engage sa loka-loka.” ngising-ngisi na sabi ni Kit.

“Sino nga palang mapapangasawa mo, Dream?” tanong ni Yannie.

Kinagat ko ang pang-ibaba kong labi saka mahina at kinikilig na sumagot. “Si Blaze Villacorta.

Humalakhak nanaman ng napakalakas sina Yannie at Kit pero agad rin silang tumigil.

“Nangarap ka nanaman ba ng gising?” seryosong tanong ni Kit.

Winagayway naman ni Yannie ang kamay nya sa mukha ko. “Nagshashabu ka na ba ngayon?”

“Eh! Totoo kasi!” inis na singhal ko sa kanilang dalawa.

Tinitigan nila ako at nang mapagtantong seryoso ang sinasabi ko ay nanlaki ang mga mata nila.

“Oh my gosh, ano 'to movie? Ang swerte mo, girl!” tuwang-tuwa na sabi ni Kit at tumili pa.

Malakas na inalog-alog naman ni Yannie ang balikat ko. “Seryoso ba 'yan? Walang halong joke? Totoong-totoo?”

Nakangiti akong tumango. “Si Blast Villacorta mismo ang nagsabi sakin na si Blaze ang ipapa-engage sakin.”

“Oh my gosh! Sana all!” tili ni Yannie

“Pero tanga ka pa rin.” biglang sabi ni Kit kaya umirap ako. Nakalimutan na nila e, ibinalik pa.

Humalakhak nanaman silang dalawa kaya napabuga nalang ako ng hangin at hinintay na mangalay ang mga panga nila sa katatawa.

“Ang laki talaga ng eng-eng mo, Dream! Sayang wala ako do'n, naivideo ko sana ang eksena mo, siguradong sisikat ka kaagad.” tumatawa pa ring sabi ni Yannie.

“Ang epic, girl. Mukha ka sigurong timang do'n.” segunda naman ni Kit.

Sinamaan ko ng tingin ang dalawa. “Talagang 'yung katangahan ko ang pinansin nyo 'no? Hello, ipapa-engage ako ng daddy ko sa long time crush ko!”

Ngumiti si Kit at tumango-tango. “I'm happy for you.”

Ngumiti ako ng malaki. Mabuti nalang talaga dito ako naassign sa Emergency Room. Nakakuha ako ng mga tunay na kaibigan.

Tinapik ni Yannie ang balikat ko. “Masaya rin ako para sayo. Iseduce mo kaagad para hindi ka na pakawalan. Turuan kita ng mga tekniks saka ng posisyon.”

Nangunot ang noo ko. “Anong posisyon?”

“Sex position para masarap ang pag toot.”

Naasiwa kong pinalo ang braso nya. “Ang halay talaga ng bunganga mo!”

“Naku, 'te, hindi ka papasa sa standards ni Blaze Villacorta kung masyado kang inosente. Wild ang playboy na 'yon, jusko, baka wala pang isang buwan icancel na nya ang engagement.”

Napalabi ako. “Talaga?”

“Oo, girl!” patiling sagot ni Yannie saka ako inakbayan. “H'wag kang mag-alala, akong bahala sa lessons mo basta palayasin mo ang espiritu ni Maria Clara na sumapi sayo. Nakakaano ka, girl, ang conservative mo.”

“E gano'n ako e, anong magagawa ko?”

Hinampas ako sa noo ni Kit ng ballpen na hawak nya. “Iyang paniniwala mo, panahon pa ng hukbalahap. Sa panahon ngayon, kapag hindi ka humarot, hindi ka magkakajowa!”

“Hoy bakla ka, sinasabi mo bang maharot ako ha?” naniningkit ang matang tanong ni Yannie kay Kit.

“Ay bakit, hindi ba?” nakataas ang kilay na tanong ng bakla.

Humalakhak si Yannie. “Konti lang naman.”

Natawa nalang ako sa kanila. Nakagat ko ang pang-ibaba kong labi habang iniisip ang mga sinabi nina Kit at Yannie. Tama kaya sila? Kailangan ko ba talagang iseduce si Blaze para hindi sya tumutol sa engagement? Paano ko gagawin 'yon e ni hindi pa nga kami ulit nagkikita. Ni hindi ko nga alam kung natatandaan nya pa ako.

***

UMUWI ULIT ako kinagabihan sa bahay ni dad dahil sa text nya nanaman na kailangan daw naming mag-usap. Tinawagan ko pa sya at siniguradong wala doon ang ni isa sa Villacorta bago ako pumayag na umuwi. Mabuti nalang at pang umaga na ang duty ko kaya nagkakaroon kami ng time ni dad na magkita. Sa umaga kasi ay busy rin sya sa isa pang branch ng Cortes Medical Hospital kaya hindi talaga kami nagkikita noong pang gabi pa ang duty ko.

“Dad.” bati ko kay dad na nakaupo sa single couch. Tumingin ako sa paligid, sinisiguradong walang ibang tao dito sa bahay.

“Ano bang hinahanap mo, Dream Adelone? Maupo ka nga.” saway sa akin ni dad.

Napanguso ako saka umupo. “Ano ho bang pag-uusapan natin, dad?”

Sumandal sya at nag cross legs. “Pumayag si Blaze Villacorta sa engagement nyo na gaganapin sa isang linggo—”

“Agad-agad? Bakit?” gulat kong tanong. Mas excited pa yata sakin si dad. Bakit sa isang linggo na kaagad?

“Dahil gusto ko. Maaga kang makakasal, mas maaga akong magkakaapo.”

Naramdaman ko ang pag-iinit ng pisngi ko. Kung ano-ano kasing sinasabi ni dad, naiimagine ko tuloy.

“Sa October, gusto kong makasal na kayo.”

Nanlaki ang mga mata ko. October? “Dad, next month na 'yon!”

“Oh, ano naman?” pagsusungit nya.

Suminghap ako. Oh my gosh! Hindi ko maintindihan ang takbo ng utak ni dad. Talaga bang anak ang tingin nya sakin? Bakit feeling ko isa akong tuta sa paningin nya?

“Dad—”

Mabilis nya akong pinutol. “Dream Adelone, alam kong gustong-gusto mo nang malaya ka pero gusto ko rin na mapabuti ang buhay mo at magiging panatag lamang ako kung maikakasal ka sa lalaking pinili ko para sayo.”

Bumuntong-hininga ako. All my life, he was controlling me. Gusto nyang magdoktor ako, mabuti nalang at may hilig ako sa medisina, 'yon nga lang, mas pinili kong maging nurse na natanggap naman nya. Sinubukan kong mag-apply sa ibang hospital kaso hinarang nya at pinagpilitan sakin na sa Cortes ako magtrabaho. Nang maassign naman ako sa ER dahil sa kagustuhan ko, muntik na nyang sisantehin ang head nurse ng Cortes, mabuti na lamang at napigilan ko sya.

At ngayon, sya nanaman ang nagdedesisyon para sa akin. Sa huli ay pumapabor din naman sakin ang mga desisyon nya kaya okay lang pero kasi...ang lagay e, parang wala akong kayang gawin kapag wala sya.

“Blaze wants to see you. Susunduin ka raw n'ya bukas ng gabi sa apartment mo.”

Umawang ang labi ko dahil sa sinabi ni dad. Bukas? Napalunok ako. Wala pa man ay parang hihimatayin na ako sa kilig. Sa wakas, pagkatapos ng mahabang panahon na pangangarap ko, magkikita na ulit kami.

Teka, kailangan kong paghandaan ang pagkikita namin bukas.

Tumayo ako. Hinabol ako ni dad ng tingin habang nakakunot ang noo. “Hindi pa tayo tapos mag-usap, Dream Adelone.”

“Hindi pa ba?”

Itinuro nya ang upuan. “Sit down. I want you to listen to me very carefully, Dream Adelone.”

Naupo ako saka tumango. “Basta magugustuhan ko ang sasabihin mo, dad.”

Nailing sya dahil sa sagot ko. “Unang-una sa lahat, h'wag na h'wag mong ibibigay ang puri mo sa kanya hangga't hindi pa kayo nakakasal.”

Nanlaki ang mga mata ko. “Dad!”

Sinenyasan nya ako na manahimik. “Ayokong malalaman na nabuntis ka bago pa kayo makasal, Dream Adelone.”

“Hindi naman ako gano'ng babae, dad.” agad na depensa ko sa sarili ko.

Tumango. “Alam ko naman 'yon at alam ko ring magiging marupok ka sa kanya dahil gusto mo sya, hindi ba?”

Natameme ako. Nadali mo, dad! Teka, saan nanggaling ang palihim kong kadaldalan? Nahahawa na yata ako kina Kit at Yannie.

“Pangalawa, mas mahalin mo ang sarili mo kaysa sa kanya.”

Nangunot ang noo ko at agad na natigilan. “What do you mean, dad?”

“Nakikita kong mabuti syang tao kahit kaliwa't-kanan ang naging babae nya noon kaya pinili ko sya para sayo at dahil na rin sa pagkakaibigan namin ng ama nya pero...pero, Dream Adelone, sa oras na umiyak ka dahil sa lalaking 'yon, hindi ako magdadalawang isip na bawiin ka sa kanya.”

Para akong maluluha dahil sa sinabi ni dad. Ito ang isa sa dahilan kung bakit hindi ko sya magawang layasan sa kabila ng pagkontrol nya sa buhay ko, mahal na mahal nya ako at sobra nya akong pinahahalagahan.

“Dad...”

“Hindi ko sasantuhin ang kahit na sino kapag ikaw na ang nasaktan, Dream Adelone, kaya pakatandaan mo ang mga sinasabi ko sayo. Isa kang Cortes at ang mga Cortes ay hindi martyr at tanga.”

Napangiti ako. “Tatandaan ko, dad.”

Tumango sya. “Good. Kumain ka na ba?”

Ngumuso ako saka hinaplos ang tiyan ko. “Hindi pa nga, dad, e, i'm actually expecting a dinner. Kumakalam na ang sikmura ko.”

Natawa sya saka tumayo. “Magpapahanda na ako.”

Tumayo na rin ako at sabay kaming pumasok sa kusina habang nakaakbay sya sa akin at nakayakap ako sa baywang nya.

Sana maging maayos ang pag-uusapan namin ni Blaze bukas. Gusto kong mapalapit sa kanya. Gusto kong makasal sa kanya at sana, mangyari ang engagement namin, lalong-lalo na ang kasal.

TO BE CONTINUED...