Chapter 9

Chapter 9

Dream Adelone Cortes

ILANG ARAW na ang lumipas mula noong ikinasal kami ni Blaze. Masaya ako dahil maalaga siya at hindi ko kailanman naramdaman na napilitan lang siyang pakasalan ako. Masaya ako, dahil kahit papaano ay nagagawa ko siyang mapangiti at gano'n din siya sa akin.

“Hoy bruha, anong nginingisi-ngisi mo riyan? Masaya kang punuan ang emergency room? Ha?” pairap-irap na tanong sa 'kin ni Kit.

Mahina lang akong humagikhik saka isinilid sa bulsa ng uniform ang mga kamay ko.

Biglang tinapik ni Yannie ang mga braso ni Kit. “Bakla, hayaan mo 'yan at ngayon lang nakatikim ng kuwan. Baka ramdam pa niya ang katas ni pogi sa kinaangan niya.”

Sumimangot ako kasabay ng pag-iinit ng mukha ko dahil sa sinabi ni Yannie. Napakawalang pakundangan talaga ng bunganga ng isang 'to.

“Ano nga bang nangyari sa honeymoon niyo, bruha ka? Kwento naman diyan.” pasundot-sundot sa tagiliran na sabi sa 'kin ni Kit.

Nginisihan ko silang dalawa. “Sweet siya.”

Tumili sina Yannie at Kit saka nag-apir. Napatingin naman ako sa paligid at awkward na nginitian ang mga napatingin sa 'kin.

“Hoy, ano ba kayo? H'wag kayong tumili.” saway ko sa dalawa na hindi pinansin ang sinabi ko.

“Malaki ba, girl?“

“Magaling ba mag hipthrust?”

“Sa anong posisyon kayo nagtagal?”

“Mesherep ba?!”

Gusto ko nalang lumubog sa kahihiyan dahil sa pinagsasabi ng dalawa. May kasamahan pa naman kaming intern na kanina pa pasulyap-sulyap sa amin.

Kinurot ko sina Kit at Yannie sa tagiliran pero imbes na tumigil sa kaharutan ay mas humarot pa sila dahil sa lalaking dumaan sa likuran ko.

“Hi, doc Reeve.” maharot na bati ni Yannie.

Nilingon ko si Doc Reeve, may hawak nanaman siyang sterilize milk at nasa bibig niya ang dulo ng straw, ngumiti siya ng hindi 'yon inaalis sa kaniyang bibig.

“Hey.” walang kabuhay-buhay niyang bati kay Yannie saka ako nilingon. “Hi,  nurse Dream.”

Ngumiti lamang ako at tumango sa kaniya. Agad rin naman siyang umalis matapos kumaway sa amin.

“Kabog! Ikaw lang talaga ang kilala ni dokidaks!” nang-aasar na sabi sa 'kin ni Kit.

Napakamot ako ng pisngi at nilingon ang intern na napangiti sa sinabi ni Kit.

Ngumuso ako. “Bakit dokidaks?”

“Kasi daks!”

Hinampas ko ang braso ng bakla. “Ang halay talaga ng bunganga mo at 'yang mata mo kung saan saan napapadpad!”

Humalakhak si Kit saka tiningnan ang intern sa likuran niya. “Pogi ni dok, diba?”

Nahihiyang ngumiti at tumango ang intern. Napailing naman ako at iniwanan sila. Kumuha ako ng lollipop sa bulsa ng uniform ko saka binalatan at isinubo. Inishoot ko sa trash bin ang balat saka nginitian ang nurse na nakasalubong ko.

Tinahak ko ang daan papunta sa ward saka sumilip sa mga pasyente. Ito ang bisyo ko, kapag wala kaming emergency o kaya naman ay wala na akong ginagawa. Masarap kasing makita na gumaganda ang kalagayan ng mga pasyente namin. Iba ang dating sa akin.

Ilang saglit pa ay natigilan ako nang tumunog ang cellphone ko. Kinuha ko ito at agad na tiningnan. Napangiti ako dahil nagsend ng litrato si Blaze, nasa opisina siya habang nagkakape.

Agad kong pinindot ang call para tawagan siya.

[Hey!]

Ngumiti ako lalo saka inalis ang lollipop sa bibig ko. “Nakailang kape ka na?”

Mahina siyang tumawa sa kabilang linya. [Dalawa pa lang, Dream.]

Tumango ako saka sumipsip sa lollipop bago sumagot. “Hmm... H'wag sobra sa kape, ha.”

[What are you doing?]

Nangunot ang noo ko. “Bakit? Wala naman akong ginagawa.”

[May kinakain ka ba?]

“Lollipop.”

[D*mn!]

Napailing nalang ako dahil sa pagmumura niya. “Sige na, tumawag lang ako para paalalahanan ka.”

[Alright. Anong oras ang out mo? Sunduin kita.]

Napangiti ako dahil sa kilig. Gustong-gusto kong sunduin niya ako pero pinigilan ko ang kaharutan kong nagbabadya. “H'wag na. Hintayin mo nalang ako sa bahay, kung mauuna kang umuwi.”

[Are you sure?]

Tumango ako at nagsimulang maglakad pabalik. “Sure na sure.”

[Okay. Bye, take care.]

“Ikaw rin, ingat.” sagot ko saka sandali pang hinintay kung may kasunod siyang sasabihin pero wala. Pinatay niya ang tawag nang hindi binabanggit ang mga salitang inaasahan ko. 

Napabuga nalang ako ng hangin. Dream, h'wag kang umasa, masasaktan ka lang!

Ipinilig ko ang ulo ko saka ibinalik sa bulsa ang cellphone ko. Ibinalik ko rin sa bibig ko ang lollipop saka mariing pinagdikit ang mga labi ko at naglakad pabalik sa pinanggalingan ko kanina.

Abala na si Kit sa pag-iinventory habang pinaglalaruan naman ni Yannie ang wire ng telepono.

“Saan ka galing, bruha?” agad na tanong ni Yannie sa akin.

Umiling ako. “Wala naman. Binisita ko lang ang ward.”

“Di ka naman do'n naka assign.”

Ngumuso ako. “Masama bang bumisita sa hindi ko teritoryo?”

Humalakhak si Kit. “Gaga, tatay mo ang may-ari ng CMH, pa-humble ka pa!”

Inismiran ko lang si Kit saka pumangalumbaba sa information desk. Kumuha ko ng lollipop sa bulsa ng uniform ko saka inabutan ang intern. “Gusto mo?”

Nahihiya na naman siyang umiling. “H'wag na po. Thank you.”

Ngumuso ako saka kinuha ang kamay niya at inilagay doon ang lollipop. “Tanggapin mo 'to kasi 'yan ang pampawala ko ng boredom. Masarap 'yan.”

Ngumiti siya saka tumango.

“Masarap 'yan kasi may laway na niya.” sabat ni Kit.

“Tanggapin mo kasi bihira 'yan mamigay ng lollipop. Pinagpapraktisan kasi niya para maganda ang pagblow, walang sabit.” sabat din ni Yannie.

Pinandilatan ko ng mata ang dalawa. “Ang hahalay niyo talagang dalawa!“

Humalakhak lang ang dalawa. Nilingon ko ang intern na patawa-tawa rin.

“Saan naassign ang ibang classmate mo?” tanong ko sa intern para may iba naman kaming pag-usapan.

“Sa Ortho po na-assign ang best friend ko.”

“Ay swerte siya, be! Si doc Reeve ang head ng Ortho department!” may pag hampas na sabi ni Yannie sa intern na bahagyang napangiwi.

“Si Doc Reeve na talaga ang pinakagwapong surgeon dito, girl.” dagdag naman ni Kit.

Napailing nalang ako sa kaharutan nilang dalawa. Nagtuloy-tuloy ang kwentuhang sinimulan ko at nakakapagtaka na nakikipagtawanan na ang intern kina Yannie at Kit makalipas lamang ang ilang minuto.

Hinayaan ko nalang silang magkwentuhan. Paminsan-minsan ay sumisingit ako sa usapan nila na nagtagal pa lalo nang mapasarap ang kwentuhan. Natigil lamang kami nang may dumating na pasyente. Kaniya-kaniya kaming balik sa trabaho.

TO BE CONTINUED...