Chapter 31

Miracle Raydale Azaria’s Pov

“Shit!” malutong na mura ni Raj nang kurutin ko ang tiyan niya. “Miray! Masakit iyan!”

“At talagang masasaktan ka kapag hindi mo tinigilan ang kapilyuhan mo!” singhal ko sa kanya at binitiwan na siya. “Sinabi mong mag-uusap tayo kaya iyon ang gagawin natin. Hindi iyong bigla ka na lang manghahalik diyan pagkapasok na pagkapasok dito!”

“Hindi mo naman ako masisisi noh!” singhal niya pabalik sa akin. “Ilang taon akong nagtiis na hindi ka mahawakan kaya sinamantala ko na ang pagkakataon.”

“At sino ang may kasalanan noon?” tanong ko sa kanya. “Pakipaalala nga kung sino ang nang-iwan sa ating dalawa! Baka nakakalimutan mo lang na ikaw iyon at pinamukha pa sa akin na hindi mo na ako mahal! Kaya huwag mo akong artehan diyan na para bang may pumilit sayo na gawin iyon.”

Hindi siya sumagot at umayos na lamang sa kanyang kinauupuan.

Mag-ex fiance kami nitong si Rajiv. Halos limang taon din ang tinagal ng relasyon namin at masaya naman kami.

Kaso, tatlong taon na ang