Chapter 32

Asper Reign Dahlia’s Pov

“Mira!” Dinamba ko ng yakap si Miracle nang dumating siya sa bahay ko. “Kanina pa kita hinihintay. Bakit ngayon ka lang?”

“M-may kinausap pa kasi ako pagka-out ko sa shop,” aniya.

Kumalas ako ng yakap sa kanya at doon ko nakita na namumugto ang mga mata niya. “Mira? Anong nangyari sayo?”

“H-huh?” Tumingin siya sa akin. “A-anong ibig mong sabihin?”

“Namumugto ang mga mata mo!” singhal ko sa kanya. “Umiyak ka noh? Bakit? Anong dahilan? Sino ang nagpaiyak sayo?”

Hindi siya sumagot at bigla na lang akong muling niyakap kaya napakunot ang noo ko.

“Mira, ako lang ang hugger sa ating dalawa kaya kinikilabutan ako kapag ganito ka,” sambit ko. “Ano bang dahilan? Hindi mo ba pwedeng sabihin sa akin? Baka sakaling makatulong ako sayo.”

Hindi pa din siya sumagot kaya naman hinaplos ko na lang ang likod niya. Baka sakaling maisip niya na hindi naman siya nag-iisa at lagi lang akong nandito sa tabi niya kahit na anong mangyari.

Hindi pa man ganoon katagal ang pinagsamahan n