Chapter 37

Rajiv Fleisko’s Pov

“Jyn,” kuha ko sa atensyon ni Jyn pagpasok ko pa lamang sa warehouse na siyang nirerentahan namin bilang storage ng mga gamit na hindi namin maaaring dalhin sa mansion. “They are already here.”

Agad nawala ang ngiti sa labi niya, maging ang lahat ng ekspresyon na mayroon siya sa kanyang mata at bumaling sa akin suot ang kanyang poker face. “Send them in.”

Tumango ako at sumenyas sa tauhan namin na nasa pinto ng warehouse.

Agad silang kumilos at lumapit sa amin pagkuwa’y itinulak sa harap ni Jyn ang isang lalaki na bagaman buhay ay labis na ang panghihina dahil sa mga bugbog na kanyang natamo.

“He is the one,” sambit ko.

“B-boss…” mahinang sambit ng lalaki. Nakasubsob na ito sa sahig at ni hindi na kayang iangat ang kanyang ulo upang tingnan ng diretso si Jyn. “Pa-patawarin nyo ako. Hindi… hindi ko ginusto na makipagtulungan sa prinsipe. Tinakot… niya akong papatayin ang pamilya ko.”

“Hindi mo ba naisip na iyan ang talagang mangyayari sa pamilya mo dahil sa ginawa m