Chapter 36

Asper Reign Dahlia’s Pov

“Like what I said, kayo ang argabyado sa kontrata na ito,” sambit ni Miracle matapos niyang basahin ang kontrata na ibinigay sa akin ni Jyn tungkol sa partnership na ino-offer nila sa SweetHeart. “Kapag naglaho na parang bula itong si Asper sa buhay nyo, hindi nyo siya mahahabol para sa kung anuman ang maging damage ng bigla niyang pag-alis.”

Nandito kami sa bahay ni Jyn at pinag-uusapan nga namin ang tungkol sa magiging partnership ng SweetHeart, ang shop ko, at ng JFCC, ang kumpanya ni Jyn.

Nakausap ko na si Miracle tungkol dito at hindi naman siya tutol lalo na’t malaki din talaga ang maitutulong sa amin kung magsu-supply kami ng dessert sa mga restaurant na hawak ng kumpanya ni Jyn.

Kaya nga heto’t pinapakitaan na kami ni Jyn ng draft ng kontrata na siyang legal na mag-uugnay ng dalawang negosyo namin.

“I know the risk, Miss Miracle,” sabi ni Jyn. “That is why I made this proposal.” Iniabot niya pa sa akin ang isa pang folder. “This document will ensure th