26 - Jack

Umaga na ng magising ako. Naalala ko ang lahat ng nangyari kagabi at kaagad napa-upo sa kama. Paglingon ko, wala si mama. Malamig at walang bahid na ang kama ko ay pinaghatian ng dalawa. Nanlumo ako at hindi maipaliwanag ang nararamdaman.

Panaginip na naman ba ang lahat? Pang-ilang beses na ba simula ng mapanaginipan ko si mama tuwing gabi? Ever since umalis ako ng Pinas, laging siya lang ang naiisip ko. Hindi ko mapigilan. Hindi ko kayang itanggi. Kahit nang makauwi ako, siya pa rin ang nasa isip ko lagi. 

Pero galit ako sa kanya.

Hindi niya ako tinanong kung ano ang gusto kong mangyare. Gusto lang niyang sundin ang akala niya ay tama. Hindi niya man lang ako naisip, kung saan ako liligaya, kung saan ako mas komportable.

Pagtunton ko sa banyo ng condo na nabili ko recently, napahinto ako sa nakita. Nakalagay sa pinto ay isang papel na may nakasulat na sulat-kamay ni mama. Kaagad ko itong kinuha