Kabanata 34 Xian

Matapos maihanda ang sarili agad umalis ng bahay si Carmelita. Suot niya ang kanyang uniporme at buong puso na pumunta sa paaralan. Napakahalaga sa kanya ang araw na ito, ilang araw na din kasi ang lumipas na hindi niya pinapasok ang kanyang mga studyante, kaya upang maintindihan ng bawat mga magulang ang pangyayari, ang pagsasagawa ng pulong sa mga ito ang naisip niya na mabuting paraan.

      Pagdating niya sa silid-aralan agad niya itong nilinis at inihanda ang mga kagamitan na kakailanganin. Habang naghihintay, ang natirang oras ginawang pagkakataon ni Carmelita upang kumustahin ang kanyang kaibigan na si Pauline. Ang babaeng half japanese na nakakita sa kanya sa mall nung bumili siya ng kadena.

"Kumusta ka na Pauline?"

"Sobrang mabuti, Sa katunayan may ibabalita ako sayo." Masayang tinig ang maririnig sa kabilang linya na nagdulot ng saya sa mukha ni Carmelita, sigurado kasi siya na ang bali