004

"WHO the f^ck are you!" Malakas na mura ni Jav, nasa isang kuwarto siya at katabi ang isang babae.

Bumalikwas ng bangon si Elorda nang makarinig siya ng malakas na sigaw. Nanlalaki ang kanyang mga mata nang makitang hubo't hubad siya at katabi ang isang lalaki.

"I-Ikaw? G*go ka!" Mariin siyang napatiim, umigkas ang isang kamay niya at dumapo ang palad sa pisngi ng lalaking estranghero.

Natigagal si Jav at napahawak sa kanyang pisngi na sinampal ng babae.

"P^t*ngna mo rin! Ako pa minura mo... ikaw, na kumuha sa v^irginity ko. 35 years kong iningatan ang katawan ko... ang puri ko. G^go ka!" Mga bulyaw ni Elorda, unti-unti nang naglaglagan isa-isa ang butil ng kanyang mga luha.

Nagmamadali na lumabas ng hotel room si Elorda. Nakatulala pa rin ang lalaking katabi niya sa kama nang makalabas siya ng kuwarto. Napatigil siya saglit at napasandal sa pader. Hinihingal siya na parang tumakbo ng sampong kilometro ang layo.

Napahawak si Elorda sa kanyang dibdib at napahagulhol ng impit na iyak. Maigi na lamang, walang naglalakad ng oras na ito sa hallway.

"Wala na, Elorda. Hindi ka na virgin... nakuha na ng g*gong 'yon. Ang tanga-tanga mo kasi. 35 ka na pero tanga ka pa rin. Kaya ka naloloko, e." Kastigo niya sa sarili.

Naramdaman niya ang kirot sa pagitan ng kanyang mga hita. Napakagat-labi siya na napadaing sa sakit.

"Sheteng, malagkit!" Mura pa niya sa hangin. Nawala ang pagkataranta niya at paika-ikang naglakad papunta sa kanilang hotel room ng kaibigan.

Nang makapasok sa loob ng kanilang kuwarto si Elorda ay dahan-dahan pa siyang humakbang patungo sa banyo. Iwas na iwas makalikha ng ingay, baka magising si Tess at malaman na hindi siya natulog kagabi sa suite nila.

"Elorda! Saan ka galing kagabi?" Nakapameywang na bungad na tanong ni Tess.

Nahigit ni Elorda ang kanyang paghinga, napatayo nang tuwid. Napatikhim siya, na inaalis ang bara sa lalamunan. Dahan-dahan siyang humarap kay Tess.

"Sa-Sa ano... di-diyan lang," nauutal niyang sagot. Wala talaga siyang maisip na isasagot sa kaibigan niya.

Ang katangahan niya paano ba niya 'yon maitatago sa kaibigan?

Kita ni Elorda ang labis na inis sa mukha ni Tess. Hindi na nga siya sumunod papunta sa suite nila, sa ibang hotel room pa siya natulog. Nawala tuloy ang kanyang iniingatang kayamanan.

Kung minamalas ka nga naman, oh...

"Magdamag akong naghintay sa'yo. Alam mo ba 'yon, Elorda? Nag-aalala ako baka napano ka na. Hindi ako nakatulog ng maayos kahihintay sa'yo.."

Napangiwi si Elorda. Paano ba niya aaminin sa kaibigan ang mga nangyari kagabi? Alam niyang aabutin siya ng sermon. Sumiping ba naman siya sa lalaking hindi niya kilala. Hindi na rin niya maalala ang mukha ng lalaking kumuha ng virginity niya sa sobrang taranta niya at dahil sa mga paghagulhol niya kanina.

Wasak na ang puso niya. Wasak pa ang perlas niya, na iningatan niya sa napakahabang panahon. Ni hindi nga niya nagawang ibigay noon sa ex-boyfriend niyang cheater. Five years tumagal ang relasyon nila at kahit anong pilit nito ay hindi niya talaga naibigay ang kanyang kayamanang hiyas.

Nanindigan siya sa prinsipyo niyang mananatiling birhen hanggang sa araw ng kanilang kasal. Pero, hindi iti nakapag-hintay.

"Sorry na, Tess. E, hindi ko alam na mali pala ang napasukan kong k-kwarto," hiyang-hiya na tugon niya na napayuko ng ulo.

Napaamang si Tess. "Anong kag*gahan na naman ang ginawa mo? Pinagbigyan kitang magwalwal sa bar kagabi. Dahil gusto kong makalimot ka. Pagkatapos, dahil sa kalasingan mo nakitulog ka sa ibang kwarto."

Napatampal sa sariling noo si Tess.

Napatunghay si Elorda. Napakamot ng kanyang ulo at 'di makatingin ng diretso sa kaibigan.

"Anong nangyari sa'yo? Saang kwarto ka natulog? Ano, guwapo ba ang kasama mo?" Sunod-sunod na mga tanong ni Tess.

Unti-unting nagbago ang ekspresyon ng mukha ni Elorda. Humagulhol ng napakalakas na iyak, parang sanggol na nagugutom sa sobang lakas ng pagbalahaw.

Napabuga ng hangin si Tess. "May nangyari na naman, ano?" Bigla niyang hinawakan si Elorda sa pala-pulsuhan at hinila paupo sa kama.

"Aww!" Malakas na daing ni Elorda.

Nanlaki ang mga mata ni Tess. Tila natatarantang tumingin sa mukha ng kaibigan at hinawakan sa magkabilang balikat.

"Bakit umiiyak ka ng ganyan, Elorda? May masakit sa'yo?" Mga tanong niya pero patuloy lang sa pag-iyak ang kaibigan niya. "Magsalita ka naman..."

Pinunasan ni Elorda ang mga luha niya at napatunghay kay Tess.

"Hindi na ako, virgin—!" Bulahaw niyang iyak saka napayuko ng ulo.

Naestatwa si Tess, hindi siya nakagalaw. Parang huminto din ang kanyang paghinga.

"Oh, my God! Yes!" Natutop niya ang sariling bibig. "Congratulations, kapatid!" Sigaw pa niya at niyakap ng mahigpit si Elorda.

Natigilan si Elorda. Nalito siya sa tinuran ni Tess. Nahilig niya ang ulo sa pagtataka.

Bakit parang masaya si Tess?

"Anong nakakatuwa doon? Bakit masayang-masaya ka pa sa nangyari sa akin?"

"Kapatid, nilulumot na 'yang si cookie mo. Sayang naman," sagot ni Tess.

Napaikot ang eyeball ni Elorda. "Tignan mo 'to. Akala ko dadamayan mo 'ko dahil nawala iyong bagay na iningatan ko ng 35 years. Tapos, mang-iinsulto ka pa."

"Maiba tayo, Elorda," sabi ni Tess na mas lumapit sa kaibigan at idinikit halos ang pisngi sa pisngi ni Elorda. "Guwapo ba? Sino ang lalaki 'yon, ha? Masarap ba siya?"

Napakamot si Elorda ng ulo niya sa sobrang pagkairita kay Tess. "Kumustahin mo naman muna ako. Masakit, e. Mas gusto mo pang malaman ang tungkol sa lalaking kumuha ng virginity ko."

Napaawang ng malaki ang bibig ni Tess. Sa isip niya malamang na malaki ang nakadali sa kaibigan. Inakbayan niya ang kaibigan.

"Concern ako sa'yo. Siyempre, gusto kong malaman kung sino ang nakatikim n'yang cookie mo. Magkuwento ka na kasi. Huwag kang ngumuyngoy d'yan...."

Biglang napatayo si Elorda. Nakatiim na tumingin sa kaibigan.

"Awat nga! Gusto ko munang maligo at magpahinga. Masakit ang buong katawan ko at ang kayamanan ko!" Gigil niyang sigaw. Ayaw niya munang magbigay ng buong detalye sa lalaking nakaniig niya kagabi. Sa sobrang pagkadismaya niya at lungkot ay hindi na niya maalala ang mukha ng lalaking 'yon.

"Normal lang 'yan. Pero, pagbibigyan kita. Maligo ka muna. Check ko kung may gamot ako sa bag ko. Tapos ikuwento mo sa akin ang lahat ng detalye. Huwag hindi, Elorda. Hindi kita patutugin," pangungulit ni Tess.

Marahas na lang na napabuga ng hangin si Elorda.

"Kung hindi lang masamang sumakal ng kaibigan. Sinakal na kita, Tess."