CHAPTER 53

“Pasensiya ka na Lois, masyado talagang madaming gawain ngayon sa school,” hinging paumanhin ni Ysabelle sa kaibigan.

“Huwag kang mag-alala kapag ngayong bakasyon at hindi na ako abala, magbabakasyon tayo nina Loyd at Nanay Marie, okay ba ‘yon sa ‘yo?” Dagdag pang sabi ni Ysa sa kaibigan.

Magkausap sila ngayon sa telepono ilang buwan na nga bang hindi sila nag-uusap na magkaibigan, hindi na mabilang yata ni Loisa.

Ayaw niya rin naman istorbohin ang kaibigan sa pagtuturo nito. Kahit siya rin naman mula ng maging parte ng Monteclaro Corporation ay bibihira na rin magkaroon ng time na makausap ang kaibigan kahit sa telepono man lang.

Maswerte nga ngayon dahil nagpang-abot ang kanilang mga oras, ‘yon nga lang panandalian lang.

“Ano ka ba, okay lang Ysa,” sabi naman ni Loisa.

“Natutuwa ako kasi kahit papaano may oras ka pa ring sagutin ang tawag ko ngayon,” dagdag pa niya.

“Bakit may problema ba?”Nasa boses ni Ysa ang pag-alala sa kaibigan.

“Naku wala, huwag kang mag-alala okay lan