CHAPTER 52

“Sina Loisa at Ciara ‘yon ah,” takang samabit ni Kimberly sa sarili.

“At galing sila sa clinic ng isang ob gyne? Bakit naman, hindi kaya buntis si Loisa?” Mga tanong na naiisip ng babae.

“Mapuntahan nga ang clinic,”dagdag pa nitong bulong sa sarili.

Matapos makapagpa-alam sa ina na siya ay aalis muna saglit ay ngayon nakatayo na si Kimberly sa harapan ng clinic ng isang ob gyne na nilabasan nina Loisa at Ciara kanina.

Akmang kakatok na sana siya ng bumukas ang pinto.

“Ah good afternoon po ma’am,” Bati niya sa palagay niyang sekretarya ng doctor.

“Good afternoon din po ma’am, magpapalista po ba pasok po kayo,” Tanong naman ng babae.

Nang makaupo ay doon nakumpirma ni Kimberly na sekretarya nga ang babaeng nagbukas sa kanya ng pinto.

“Naku hindi po ma’am, itatanong ko lang po kung may nagpa-check up po ditong nag-ngangalang Loisa Sanchez?” Deretso niyang tanong sa sekretarya.

“Pasensiya na po hindi po kami authorized mag labas ng mga pangalan ng client ni doc ma’am,” hinging p