Chapter 33

BRANDON

Fifteen years ago . . .

“BRAN, tara. Tambay tayo kina Aling Linda, baka maubusan tayo ng isaw,” aya ni Flynn sa akin.

“Susunod ako. Susunduin ko lang si Kelly sa kanila.”

Naunang umuwi si Kelly kasama ni Vicky dahil may practice pa kami ng basketball. Alas-singko na ng hapon at ngayon lang kami natapos. Uuwi muna ako sa bahay at maliligo saka ko siya pupuntahan. Ayaw kong magpunta roon na amoy pawis.

Ang alam ko ay nasa trabaho pa si Tatay kapag ganitong oras at si Nanay ay sinusundo si David. Panghapon kasi ’yon kaya alas-dose ang pasok hanggang alas-singko.

Papasok na sana ako sa pinto nang marinig ko si Kelly na kausap si Vicky.

“Kel, nakilala mo na ba ’yong parents ni Brandon?”

“Hindi pa. Pero tingin ko mayaman sila. Si Brandon lang ang tinatawanan ako kapag nagtatanong ako tungkol sa pamilya niya. Medyo secretive siya pagdating doon.”

“Sa tingin mo, sino ang mas mayaman? Si Brandon o si Luis? Ang laki ng hardware ng mga ’yon at alam mo ba, narinig kong may gusto sa