2

“MAYUMI, okay ka lang ba?” Nag-aalalang tanong sa kaniya ni Bunny nang dumating ito sa kaniyang condo. “Akala ko kanina ay may nangyari na sa ’yong hindi maganda dahil basta ka na lang nawala roon sa pinagtataguan mo.”

“Thanks to Sergeant Jeff Reyes. Tinulungan niya akong makaalis doon, Bunny,” wika niya. “I’m sorry. Gusto sana kitang hanapin at isamang tumakas kanina pero malapit na akong makita ng mga taga-media. Naisip kong iwan ka na lang tutal hindi ka naman dudumugin mga iyon. I’m sorry talaga. Maayos naman ang kalagayan ko ngayon.”

“Who is he? Siya siguro ’yong guwapong guy na nakasalubong ko sa labas ano?” nakangising tanong nito sa kaniya. Naglaho na ang pag-aalala sa mukha nito. “Knight in shining armor, ang peg.”

“Yeah, he is. He helped me out of that damned place. Buti na lang. Dahil kung nakita ako ng mga taga-media kanina ay talagang kalahati ng buhay ko ang masisira.” Bigla na naman siyang nakadama ng galit dahil sa lalaking nakabangga sa kotse niya kanina. “At dahil iyon sa lalaking walang-hiyang ’yon!”

Kumunot bigla ang noo ni Bunny. “So, bakit ka nga pala nakulong kanina? Ang pagkakaalam ko ay iniingatan mo talaga ang reputation mo bilang isang sikat na artista. Kaloka ka girl, paano na ’to? Nasa balita na ang pangalan mo day,” naiinis na sabi ni Bunny sa kaniya.

Ang mga taga-media nga naman, every inch of her life updated sila. Kaya dapat na tudo ingat ka sa lahat ng kilos mo or else, mawawala bigla ang fame na iniingatan mo. Nandiyan lang sila parang mga kuto na siyang magpapakati sa ulo mo, kaloka.

Naniningkit ang mga mata niyang hinarap si Bunny. “E, kasi nga may isang hayop na lalaking bumangga sa akin at saka siya pa ang may ganang magpakulong sa akin, Bunny. I’m almost killed by his carelessness, my God!”

“Huh? Sinong lalaki? Ang sikat mo para hindi niya nakilala. I hate him. I want him pay for this,” galit na wika ni Bunny na parang umuusok na ang ilong nito. “Saan naman nangyari ang aksidente?”

“Hindi ko siya kilala at siguro hindi rin niya ako kilala,” aniya. “Ano na lang ang sasabihin ng Daddy kapag malaman niyang nakulong ako? Bunny, what should I do?” mangiyak-ngiyak na pahayag ni Mayumi. “Actually, sa may parking lot ng Ayala building. Doon niya ako muntik mapatay.” Dagdag pa niya.

Sino ba ang taong ’yon? Napaka-careless at insensitive pa. Never na humingi ng sorry or ano. Sa halip ay ito pa ang galit. Tama ba ang ginawa nito na ipakulong siya dahil lang doon sa pagbato niya ng magazine sa mukha nito? His act is really justifiable!

Niyakap naman siya ni Bunny para pakalmahin. “Shhh! Huwag kang mag-aalala at ngayon din ay pakiki-usapan ko ang mga taga-media na huwag nilang ibalita ang nangyari dahil isa lang ’yong misunderstanding sa pagitan mo at noong lalaking sinasabi mo.” Ani nito habang tinatapik ang balikat niya.

Kumalma naman si Mayumi. She knows Bunny kapag sinabi nito ay talagang nalulusutan nito. Ito na siguro ang kapalaran ng baklita—ang maging taga-ayos ng mga gulo at gusot niya sa buhay. He’s not just her manager and handler. Tumayo na rin itong ina, kapatid at kaibigan niya. She’s really thankful to have Bunny in her life.

“Salamat.. You’re the best, Bunny.”

“Sige na, tahan na. Palaban ka at dapat na huwag kang magpapaapekto sa mga maliliit na bagay. Hindi iyon kawalan. Take it as a motivation. Saka mas mabuti ngang nasa balita ang pangalan mo para mas sumikat ka pa lalo,” pagbibiro pa nito sa kaniya para matawa siya.

“What? Huwag naman ganoon! Mapapagalitan na talaga ako ng Daddy ko.”

“Oo, na. Sorry na. Ako na ang bahala. Just take it easy, Mayumi. Sige, aalis na ako. Magpahinga ka ngayon dahil bukas ay sisimulan na ang first shoot ng bago mong pelikula.”

Nang mapakalma niya na ang kaniyang sarili, inihatid na rin niya si Bunny sa labas ng kaniyang condo.

“See you tomorrow. Bye!”

“Mag-ingat ka, Bunny. Bye!”

NAKATAYO LAMANG si Mayumi sa gilid ng balustrade at nakatanaw sa malayo. Marami ang naglalaro sa kaniyang isipan sa mga sandaling iyon. Isa na ang nangyaring aksidente sa kaniya.

Nasa kalagitnaan siya ng pagmumunu-muni nang tumunog ang cellphone niya. Agad naman niya iyong kinuha at tiningnan kung sino ang tumatawag sa kaniya.

It’s her dad.

Oh, God! Baka alam na nito ang nangyari sa kaniya at pagalitan siya. Hindi niya maiwasang makadama ng kaba at pag-aalala. Kilala niya ang kaniyang dad.

Huminga siya nang malalim saka sinagot ang tawag sa kaniya.

“Hello, Dad? Kumusta po? Bakit kayo napatawag?” sunod-sunod niyang tanong sa ama. Inunahan na niya itong tanungin kaysa siya agad ang pagalitan nito.

Hindi naman agad ito sumagot sa kaniya.

“Dad?”

“Mayumi, anak! Anong eskandalo na naman ba ang ginawa mo?”

Napapikit siya nang mahimigan niya ang boses nito. Hindi niya mawari kung nagagalit ba ito sa kaniya o nag-aalala para sa nangyari sa kaniya.

“I’m sorry, Dad. Hindi ko naman sinasadya ang nangyari. I’m the victim here. I almost died.” Malungkot na pahayag niya.

“Alam ko na ang totoong nangyari sa iyo kanina pero huwag kang mag-aalala dahil hindi ako galit sa ’yo. Umuwi ka muna sa bahay. Okay lang ba?”

Bigla namang lumuwag ang puso niya nang marinig ang sinabi ng kaniyang ama.

“Yes, Dad, I’m fine. I’ll go home later. Thank you for considering me. Sasabihin ko sa ’yo mamaya kung ano talaga ang nangyari kanina. Basta maniwala ka po, dad, wala akong ginawang masama,” katwiran niya sa kaniyang ama.

“Alright. See you later, darling.”

Kaagad na nawala sa kabilang linya ang tawag ng kaniyang ama.

Marahan siyang nagpakawala nang malalim na paghinga.

ALA-SAIS Y MEDIA na nang gabi kaya umalis na siya sa kaniyang condo unit. Natitiyak niyang wala nang mga paparazzi na nagmamanman sa labas ng unit niya kaya maari na siyang umuwi sa bahay nila. Her dad is waiting for her.

Nagsuot siya ng kulay black leather jacket, shades at sumbrero para hindi siya kaagad makikilala ng taong makakasalubong niya sa hallway.

Oh, gosh! Daig pa niya ang wanted criminal na nagtatago sa mga pulis ngayon. Parang siya pa ngayon ang kailangan magtago, na sa halip ay ang lalaking ang siyang dapat na kinasuhan niya at pinakulong.

Nang tuluyang makalabas sa building ay kaagad siyang sumakay sa kaniyang kotse.

Ilang minutong biyahe ay nakarating na rin siya sa kanilang bahay. Pagkababa pa lamang niya sa kotse ay nakita niya agad ang kaniyang ama na nakaabang sa labas ng kanilang bahay. Malamang na hinihintay nito ang kaniyang pagdating.

Kaagad itong naglakad palapit sa kaniya upang salubungin siya.

“Good evening, dad!” Magalang niyang bati sa ama saka humalik sa pisngi nito. She missed him so much. Misan na lang siya makadalaw o makauwi sa bahay nila. Sa sobrang busy niya sa trabaho ay hindi na siya nakakapag-enjoy kasama ang ama. Hindi na sila makapag-bonding.

“Good evening, sweetheart.” Niyakap siya nito at hinalikan din sa kaniyang pisngi. “Let’s go inside. Tamang-tama ang dating mo at nakahanda na ang mga pagkain.”

“Kahit on diet po ako ngayon, mukhang mapapakain po ako nang marami.” Natatawang saad niya.

“Minsan ka na lang umuwi rito sa bahay kaya hindi na tayo makapagsabay sa pagkain.”

“I’m sorry, dad. Masiyado lang po akong busy sa trabaho ko.”

“I understand, darling.” Ani nito at inakbayan siya. “Let’s go.”

Ipinulupot na rin niya sa baywang ng ama ang isang braso niya at magkaagapay silang naglakad papasok sa bahay. Hanggang sa makarating sila sa dining area.

Nakahain na nga ang mga pagkain. Amoy pa lang ay masasarap na. Natakam siya nang sobra.

Ipinaghila siya ng ama ng silya bago ito umupo sa kabisera.

Masaya nilang pinagsaluhan ang mga pagkaing nakahain sa hapag. Parang naparami pa nga yata siya ng kain ngayon kaya napadighay siya nang malakas.

“Siguro hindi ka kumain ng tama sa Condo mo ano?” tanong ng kaniyang ama. “Tama na ang pagda-diet, hija. Sexy ka naman kahit na huwag mo na iyong gawin. Baka sa ginagawa mo ay magkakasakit ka pa.”

“Dad, kumakain naman po ako sa tamang oras ng pagkain. But I’m really on my diet. Bawal ako magpataba dahil masisira ang image ko bilang artista. Alam mo namang ang daming bashers na nakaabang kapag may napuna sila sa ’yo,” katwiran na naman niya.

Well, tama naman ang kaniyang daddy. Hindi na niya kailangang magdiet. She has a slim and fit body. Napapatili rin niyang well-shaped ang waistline at hips niya dahil sa pag-i-exercise. Pero siguro nasanay na rin ang katawan niya na may limit lang ang pagkain niya.

“Bakit ba kasi hindi ka na lang huminto sa pag-aartista at ikaw na ang mag-manage ng ating mga negosyo?”

Mayaman naman sila dahil anak siya ng isang sikat na negosyante. Kaya para saan pa na magtrabaho siya sa ibang kumpanya?

“Dad, alam mo namang wala talaga akong hilig sa business, e! Kayo na lang po ang mag-manage ng business natin. Maybe, after ko na lang mag-showbiz, baka magbago pa ang isip ko at maging isa na lang business woman. But for now... Let me do what I want.”

Huminga naman nang banayad ang kaniyang daddy at mataman siyang tinitigan.

“Okay,” wika nito. “Alam mo namang suportado kita sa kahit anong gusto mo. Pero ayaw kung napapahamak ka. Unica hija kita at simula nang mamatay ang mommy mo, ipinangako ko sa sarili kong aalagaan kita at poprotektahan hanggat sa abot ng makakaya ko.”

Ngumiti siya sa ama. “Daddy, okay lang po ako. Siguro nagkataon lang na minalas ako ngayon. Pero don’t worry, everything will be fine.” Paninigurado niya.

“Okay. Sige na kumain ka pa. Bigla yata tayong naging seryoso sa ating usapan.”

Ngumiti na lang siya at pilit na pinapakitang okay lang siya para hindi na mag-aalala ang kaniyang ama.

“Tapos na po ako, Dad. I’m full already.”

Ngumiti naman ang Daddy niya.

Pagkatapos nilang kumain, nagpaalam na rin siya sa kaniyang ama na papanhik sa kaniyang kuwarto upang makapagpahinga na.

Nang makapasok sa kaniyang silid, saglit siyang nagpahinga sa ibabaw ng kaniyang kama at pagkatapos ay naligo na rin siya. Medyo nanlalagkit na ang pakiramdam niya.

...

HELLO, my name is CJ and I write stories. I started writing back in highschool when I was just trying to figure out what I wanted to do with my life and I found writing was a great way to express myself. I enjoy writing stories that are both entertaining and meaningful to my readers. I hope you enjoy my work and please feels free to leave a comment/suggestions.