Chapter 55: Sullivan

“Mauna na kayo. Nakalimutan ko sa bahay ang dokumentong ipapasa mamayang hapon,” sabi ni Drizelle sa mga kasama niya pagkalabas namin ng elevator. “Samahan mo ako,” aniya sabay lingkis hatak sa ‘kin at nilingkis ang braso sa braso ko.

Tinago ko ang pagtataka sa inasta niya. Kanina lang sa elevator ay iwas na iwas siya sa ‘kin dahil sa ginawa kong pag-aarte bilang kontrabida kuno na naging dahilan ng paglagapk niya sa sahig. Sumimangot naman ang mga kasama niya. Magsasalita na sana ako pero kinaladkad na niya ako palabas.

“Gagamitin ka lang ng mga ‘yon para mapalapit kay Xeonne,” sabi niya nang makalayo kami at binitawan na ako.

At sa kaniya pa talaga nanggaling. Parepareho lang naman sila, mga manggagamit. Hindi na nakapagtataka’t nagsasama sila, mga magkasing-uri.

Naalala ko no’ng college pa lang kami, nilayo niya ako sa mga kaklase kong ginagamit lang ako para tumaas ang mga grado nila, lalo na kay Ella. Kahit na magkaiba kami ng course ay pareho naman kami ng schedule. Tuwing brea