Chapter 9: Second Night

Isang katok ang naulinigan ni Yanna sa gitna ng kanyang malalim na pag-iisip.

"Ms. Yanna, natutulog po ba kayo?" tanong iyon ni Mama Sally mula sa labas.

"Ah, hindi po. Tuloy po kayo!" Nang pumasok si Mama Sally ay nakangiti itong tumingin sa kanya.

"Anak, tamang-tama. Dumating na kasi ang mga in-order ni Alessio. Halika. Bumaba ka at para makita mo!"

"P-po?" Hindi pa makahuma ay kaagad nang hinila ni Mama Sally si Yanna papunta sa ibaba.

Pagkarating doon ay napanganga siya sa nakita. Sangkaterbang damit, sapatos, at bags ang naroon sa salas. Karamihan sa kulay ng mga naroon ay pastel. Halatang mga mamahalin. Nakita pa niya ang iilang sikat na brands na nakatatak sa mga ito. Mga brand na kadalasang ginagamit ng mga mayayamang tao sa iba't ibang parte ng mundo. Ang mga disenyo ay tila walang katulad.

Hindi man lumaki si Yanna na sanay sa layaw ay may alam pa rin naman siya sa fashion. At masasabi niyang ang mga gamit na naroon ay mamahalin at walang katulad ang mga disenyo!

Mayroon pan