KABANATA 48

Malaki ang bagong bahay na nabili ni Audrey sa Tagaytay. Hindi na siya nagtaka na nakabili ito ng gano'n kamahal na property dahil lahat ng naiwan ng mga magulang nito ay nailagay na sa pangalan ng pinsan niya. Ang mga napagbentahan ng naiwang bahay at lupa ng Mama at Papa ni Audrey sa Australia ay naibigay na rin sa babae.

Tahimik na tahimik ang paligid. Magandang bakasyunan nga ang lugar na iyon. Mas nagiging hungkag naman ang pakiramdam niya.

Hindi rin magtatagal si Audrey doon. Bibisitahin lang daw siya nito every now and then dahil babalik agad ito ng Maynila kinabukasan. May kinuha naman itong makakasama niya sa bahay, si Manang Guada. Nagpapaanak din daw ang may edad nang babae kaya't ito ang kinuha nitong katiwala sa bahay na magiging kasama niya.

Laking pasasalamat niya sa pinsan dahil sa kabila ng nangyari sa kanilang hindi maganda dati ay ito pa ang dumamay sa kanya sa panahong wala siyang malalapitan.

Tumawag siya sa daddy niya para sabihing nasa bahay-bakasyunan na siya n