KABANATA 61

Gusto na lang sana niyang kanselahin ang kontrata nila ni Sky pagkatapos ng nangyari sa kanila sa kubo. Alam niyang mas nagiging kumplikado ang sitwasyon nila pareho.

Pero naisip niyang baka bibigyan ng ibang kahulugan ni Sky ang pag-back out niya sa trabaho kung saka-sakali.

Alam niyang pareho lang silang nadala ng panahon no'ng araw na iyon. Wala iyong ibang kahulugan kundi tawag lang talaga ng laman. Mas mabuting umakto siya nang kaswal kesa mapaghahalatang malaki ang epekto ng mainit nilang sandali ni Sky.

Kahit kabado ay sumipot pa rin siya sa bahay ng lalaki kinabukasan. Aakto siyang parang wala lang sa kanya ang nangyari para maiwasan nila ang pagkailang sa isa't-isa.

Wala siyang naabutang ibang tao roon kundi ang katiwala. Kahit si Ivan at ang Mama ni Sky ay wala sa bahay nito. Bago umalis ang katiwala ay nagtanong na lang din siya.

"Nasaan pala ang mga tao rito?"

"Ay, maaga po silang lumuwas ng Maynila. Magsi-celebrate yata si Sir ng birthday niya roon. Hindi naman kasi siya