KABANATA 66

Mabuti na lang at Lunes. Alam niyang nasa Maynila na uli si Sky. Hindi siya maiilang na sumulpot sa bahay nito para sa trabaho niya pagkatapos ng "without commitment" na status na pinagsasabi nito.

Nakatanggap siya ng text mula sa lalaki na may ipapabago ito nang konti sa kusina.

Sinabi nitong wala ang mga katiwala dahil nagpaalam si Manang na uuwi muna sa kanila. Si Ivan naman pati ang yaya nito ay isinama ng mga magulang nito sa Maynila.

Inaasahan na niyang wala siyang maaabutan sa bahay. Sinabi ni Sky kung saan makikita ang susi ng pinto ng bahay.

Masyado ngang tahimik sa loob. Dumiretso siya sa kusina. Titingnan niya ang design ng wall na babaguhin.

Nagtaka pa siya nang makaamoy ng mabangong niluluto sa kusina.

Akala ba niya ay walang tao roon?

Diretso na siyang pumasok. Naisip niyang baka hindi natuloy sa pag-uwi ang matandang katiwala ni Sky na siyang nagluluto lagi do'n.

Awtomatikong parang dumikit na sa sahig ang mga paa niya at ayaw nang kumilos nang makita ang isang lalaki