KABANATA 7

Nagkibit-balikat lamang siya na ibinaling na sa ibang direksiyon ang mga mata. Baka kasi makahalata ito na masama ang loob niya dahil hindi ito nag-deny man lang.

Narinig niya kasi nang minsang itsinismis ng yaya ng kapatid nitong si Ara ang tungkol sa bagong girlfriend ni Sky sa isa nilang katulong.

Sa katunayan, sa yaya ni Ara niya laging nalalaman ang mga naging girlfriends ni Sky.

"Hindi mo na ba mabilang kung pang-ilan siya?" Kunwari ay hindi siya apektado sa pagkakaroon nito ng girlfriend. Nanatiling nakatuon ang mga mata niya sa ilog habang pumupulot ng maliit na bato para itapon sa tubig.

Imbes na sagutin siya ay tawa lang ang itinugon nito. Inis na ibinaling niya uli ang tingin sa binata.

"Lahat na lang ba ay idadaan mo sa tawa? Mahirap ba namang sagutin iyon?" Salubong ang mga kilay niya habang nakatitig sa mukha nito.

"Woah!" Nagulat ito sa outburst niya at natatawa pa rin naman habang itinaas ang dalawang kamay sa harap niya.

Umirap siya rito bago nagsalitang muli.

"You kn