Chapter 4.5

Alas kwatro na ng hapon nang tingnan niya ang kanyang wall clock na nakasabit sa kanyang kwarto. Katatapos niya lamang maligo ng mga oras na iyon at halos kalalabas niya lang ng kanyang banyo, sa katunayan nga ay nakasuot pa siya ng roba at may twalya pa ang kanyang buhok nang tumunog ang kanyang doorbell.

Bigla siyang napatingin sa kanyang itsura ng mga oras na iyon kung angkop na ba at pwede siyang lumabas upang harapin ang nasa labas. Marahil ay ito na ang delivery boy ng pizza na inorder niya.

Niyuko niya ang kanyang sarili, bagamat wala siyang suot na panloob ay makapal naman ang suot niyang roba kaya maayos namang natatakpan ang nasa ilalim nito kaya napakibit balikat na lamang siya at pumunta na sa pintuan.

"Salama----" Nabitin ang kanyang sasabihin ng mapag- buksan ang nasa labas. Nanatili pa ngang nakabuka ang kanyang bibig dahil hindi niya inaasahan na ito ang mapagbubuksan niya ng pinto.

Isang mapang- unawang ngiti ang sumilay sa mga labi nito at pagkatapos ay tiningnan